കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

നിയമസഭ വിളിച്ചുചേര്‍ക്കില്ല: ഹസ്സന്‍

  • By Staff
Google Oneindia Malayalam News

തിരുവനന്തപുരം: വക്കം പുരുഷോത്തമനെ സ്പീക്കര്‍ സ്ഥാനത്ത് നിന്ന് നീക്കുന്നതിന് പ്രതിപക്ഷം നോട്ടീസ് നല്‍കിയ പ്രമേയം ചര്‍ച്ച ചെയ്യുന്നതിന് നിയമസഭ ഉടന്‍ വിളിച്ചുചേര്‍ക്കില്ലെന്ന് പാര്‍ലമെന്ററികാര്യമന്ത്രി എം. എം. ഹസ്സന്‍ പറഞ്ഞു.

ചട്ടവിരുദ്ധമായി ഒന്നും ചെയ്തിട്ടില്ലാത്ത സ്പീക്കര്‍ക്കെതിരായ ഈ നീക്കത്തിലൂടെ സര്‍ക്കാരിനെയാണ് പ്രതിപക്ഷം ഉന്നംവയ്ക്കുന്നത്. രാഷ്ട്രീയമായ ഗൂഢലക്ഷ്യമാണ് പ്രതിപക്ഷത്തിനുള്ളത്. അടിയന്തിരമായ സര്‍ക്കാര്‍ കാര്യങ്ങളൊന്നുമില്ലാത്തതിനാല്‍ നിയമസഭ വിളിച്ചുചേര്‍ക്കേണ്ടതില്ല. ഇനി അടുത്ത ഫിബ്രവരിയില്‍ മാത്രം സഭ ചേര്‍ന്നാല്‍ മതി.

സ്പീക്കര്‍ക്ക് നിയമസഭയില്‍ മാത്രമേ നിഷ്പക്ഷത പാലിക്കേണ്ടതുള്ളൂ. സഭയ്ക്ക് പുറത്ത് സ്പീക്കര്‍ക്ക് തന്റെ അഭിപ്രായങ്ങള്‍ പറയാം.

സ്പീക്കര്‍ എറണാകുളം ഉപതിരഞ്ഞെടുപ്പില്‍ പ്രചാരണം നടത്തിയെന്ന ആരോപണം ശരിയല്ല. യു ഡി എഫ് സ്ഥാനാര്‍ഥി എം. ഒ. ജോണിനാണ് വിജയസാധ്യതയെന്ന് പരസ്യമായി പറയുക മാത്രമാണ് ചെയ്തത്. എറണാകുളത്തെ ഗസ്റ് ഹൗസില്‍ താമസിച്ചെന്നല്ലാതെ അദ്ദേഹം തിരഞ്ഞെടുപ്പ് പ്രചാരണം നടതതിയിട്ടില്ല.

എ ഐ സി സി സമ്മേളനത്തില്‍ അദ്ദേഹം പങ്കെടുത്തതിലും തെറ്റില്ലെന്ന് ഹസ്സന്‍ പറഞ്ഞു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X