വിദേശമലയാളികളെ വേദനിപ്പിച്ചത് തെറ്റ്: ആന്റണി
തിരുവനന്തപുരം: വിദേശമലയാളികളെക്കുറിച്ച് താന് നടത്തിയ പ്രസ്താവന അവരെ വേദനിപ്പിച്ചതില് ഖേദമുണ്ടെന്ന് ആന്റണി. കോണ്ഗ്രസ് ഹൈക്കമാന്റുമായി നടത്തിയ ചര്ച്ചയ്ക്ക് ശേഷം തിരുവനന്തപുരത്തെത്തിയ ആന്റണി വാര്ത്താസമ്മേളനത്തില് സംസാരിക്കുകയായിരുന്നു.
പ്രവര്ത്തനത്തിലും ശൈലിയിലും തെറ്റുണ്ടെന്ന് ചൂണ്ടിക്കാണിച്ചാല് തിരുത്താന് തയ്യാറാണെന്നും ആന്റണി പറഞ്ഞു. ദില്ലിയില് വാര്ത്താസമ്മേളനത്തില് നടത്തിയ കുറ്റസമ്മതം ആന്റണി തിരുവനന്തപുരത്തും ആവര്ത്തിയ്ക്കുകയായിരുന്നു.
വിദേശമലയാളികളെ ആശ്രയിച്ചാണ് കേരളത്തില് ലക്ഷക്കണക്കിന് കുടുംബങ്ങള് കഴിയുന്നത്. കേരളത്തിന്റെ വ്യവസായവല്ക്കരണത്തിനും അവരുടെ സഹായം ആവശ്യമാണ്. - ആന്റണി വിദശീകരിച്ചു.
താന് ചില കാര്യങ്ങള് പറഞ്ഞത് അവരെ വേദനിപ്പിക്കാനല്ല. തന്റെ പ്രവര്ത്തനം മെച്ചപ്പെടുത്തണമെന്നുള്ളവര് അത് ചൂണ്ടിക്കാട്ടിയാല് തിരുത്താന് തയ്യാറാണെന്നും ആന്റണി പറഞ്ഞു.