മുഖ്യമന്ത്രി ഗവര്ണറെ കണ്ടു
തിരുവനന്തപുരം: മുഖ്യമന്ത്രി എ. കെ. ആന്റണി രാജ്ഭവനിലെത്തി ഗവര്ണറെ സന്ദര്ശിച്ചത് രാഷ്ട്രീയ അഭ്യൂഹങ്ങള്ക്ക് വഴിവച്ചു.
ഒക്ടോബര് 23 വ്യാഴാഴ്ച വൈകീട്ട് 5.50നാണ് മുഖ്യമന്ത്രി ഗവര്ണറെ കാണാനായി രാജ്ഭവനിലെത്തിയത്. ഭരണപരമായ കാര്യങ്ങള് ചര്ച്ച ചെയ്യാനുള്ള പതിവ് സന്ദര്ശനം മാത്രമാണ് ഇതെന്ന് മുഖ്യമന്ത്രിയുടെ ഓഫീസ് അറിയിച്ചു.
ഒരു മണിക്കൂറോളം ഗവര്ണറും മുഖ്യന്ത്രിയും തമ്മിലുള്ള കൂടിക്കാഴ്ച നീണ്ടുനിന്നു. രാജ്ഭവന് പുറത്തു കാത്തുനിന്ന മാധ്യമ പ്രവര്ത്തകരുമായി സംസാരിക്കാന് മുഖ്യമന്ത്രി തയ്യാറായില്ല.
പതിവ്സന്ദര്ശനം മാത്രമാണെന്ന് മുഖ്യമന്ത്രിയുടെ ഓഫീസ് വിശദീകരണം നല്കിയെങ്കിലും സ്പീക്കര്ക്കെതിരായ പ്രമേയം ചര്ച്ച ചെയ്യുന്നതിന് നിയമസഭ വിളിച്ചുചേര്ക്കണമെന്ന് ആവശ്യപ്പെട്ട് പ്രതിപക്ഷം ഗവര്ണറെയും കാണുന്നതിന് തീരുമാനിച്ചിരിക്കുന്ന സാഹചര്യത്തില് ഈ സന്ദര്ശനത്തിന് പ്രത്യേക പ്രാധാന്യമുണ്ടെന്നാണ് രാഷ്ട്രീയ നിരീക്ഷകര് വിലയിരുത്തുന്നത്.