അച്ചടക്ക നടപടി പരിഹാരമല്ലെന്ന് ഐ ഗ്രൂപ്പ്
തിരുവനന്തപുരം: കേരളത്തിലെ കോണ്ഗ്രസിലെ പ്രശ്നങ്ങള് തീരണമെങ്കില് എ. കെ. ആന്റണി മുഖ്യമന്ത്രി സ്ഥാനത്തു നിന്ന് മാറണമെന്നും അച്ചടക്ക നടപടി കൊണ്ട് പ്രശ്നം തീരുമെന്ന് കരുതേണ്ടെന്നും കെപിസിസി ജനറല് സെക്രട്ടറി രാജ്മോഹന് ഉണ്ണിത്താന് പറഞ്ഞു.
ഐ ഗ്രൂപ്പിലെ പ്രമുഖരുടെ പ്രവൃത്തികളില് മാറ്റം വരണമെങ്കില് ഏതെങ്കിലും നേതാക്കള്ക്കെതിരെ നടപടിയെടുത്തിട്ട് കാര്യമില്ല. കരുണാകരന് പറയുന്നത് അനുസരിച്ചാണ് ഐ ഗ്രൂപ്പിന്റെ 23 എംഎല്എമാരും ഏഴ് ഡിസിസി പ്രസിഡന്റുമാരും കെപിസിസി ഭാരവാഹികളും പ്രവര്ത്തിക്കുന്നത്. ഇവരുടെ പ്രവൃത്തികളില് മാറ്റം വരണമെങ്കില് കെ. കരുണാകരനെതിരെ തന്നെ നടപടി സ്വീകരിക്കണം.
കെ. കരുണാകരനെയും കെ. മുരളീധരനെയും നിരന്തരം ആക്ഷേപിച്ച ഉമ്മന്ചാണ്ടിക്കും എം. എം. ഹസ്സനും കെ. വി. തോമസിനുമെതിരെ നടപടി സ്വീകരിക്കാത്തത് വിചിത്രമാണ്.
എ ഗ്രൂപ്പ് കോണ്ഗ്രസിനകത്തെ ഒരു സിഎംപി മാത്രമാണെന്ന് ഐ ഗ്രൂപ്പ് കണ്വെന്ഷനുകളില് പങ്കെടുക്കുന്ന പ്രവര്ത്തകരുടെ എണ്ണം കാണുമ്പോള് ബോധ്യമാവും. എന്നിട്ടും ഹൈക്കമാന്റ് യാഥാര്ഥ്യം ഉള്കൊണ്ട് പെരുമാറുന്നില്ലെന്ന് ഉണ്ണിത്താന് കുറ്റപ്പെടുത്തി.