ഐ ഗ്രൂപ്പ് എംഎല്എമാര് ഗവര്ണറെ കാണും
തിരുവനന്തപുരം: നിയമസഭ അടിയന്തിരമായി വിളിച്ചുചേര്ക്കണമെന്ന് ആവശ്യപ്പെട്ട് ഐ ഗ്രൂപ്പ് എംഎല്എമാര് ഗവര്ണറെ കാണും.
ഒക്ടോബര് 28 ചൊവാഴ്ച വൈകീട്ട് ചേര്ന്ന ഐ ഗ്രൂപ്പ് യോഗത്തിലാണ് ഇതുസംബന്ധിച്ച തീരുമാനമെടുത്തത്. സംസ്ഥാനത്ത് നിലവിലുള്ള സാഹചര്യങ്ങളും ഭരണസ്തംഭനവും കണക്കിലെടുത്ത് നിയമസഭ ഉടന് വിളിച്ചുചേര്ക്കണമെന്നാണ് ഐ ഗ്രൂപ്പിന്റെ ആവശ്യം.
നിയമസഭ വിളിച്ചുചേര്ക്കണമെന്ന് ആവശ്യപ്പെടുന്ന ഐ ഗ്രൂപ്പ് എംഎല്എമാര് ഒപ്പിട്ട നിവേദനം ഗവര്ണര്ക്ക് നല്കും. വിദേശത്തുള്ള എം. പി. അനില്കുമാര് ഒഴികെ ഗ്രൂപ്പ് യോഗത്തില് പങ്കെടുത്ത 22 എംഎല്എമാരും നിവേദനത്തില് ഒപ്പിട്ടതായി ഐ ഗ്രൂപ്പ് വൃത്തങ്ങള് അറിയിച്ചു.
നിവേദനം എപ്പോള് നല്കണമെന്നതിനെ കുറിച്ച് പിന്നീട് തീരുമാനിക്കുമെന്ന് പി. പി. ജോര്ജ് എംഎല്എ വാര്ത്താ ലേഖകരോട് പറഞ്ഞു.
ദേഹാസ്വാസ്ഥ്യമുണ്ടായിരുന്നെങ്കിലും കെ. കരുണാകരന് യോഗത്തില് പങ്കെടുത്തു. ഗവര്ണറെ കാണാനുള്ള തീരുമാനം അദ്ദേഹമാണ് യോഗത്തില് അറിയിച്ചത്.