പ്രതിപക്ഷം മുഖ്യമന്ത്രിയെ കണ്ടു

തിരുവനന്തപുരം: സ്പീക്കര്‍ വക്കം പുരുഷോത്തമനെ നീക്കണമെന്ന പ്രതിപക്ഷ പ്രമേയം ചര്‍ച്ച ചെയ്യുന്നതിന് നിയമസഭാ സമ്മേളനം വിളിച്ചുചേര്‍ക്കണമെന്ന് ആവശ്യപ്പെട്ട് പ്രതിപക്ഷ നേതാക്കള്‍ മുഖ്യമന്ത്രി എ. കെ. ആന്റണിയെ കണ്ടു.

പ്രതിപക്ഷ നേതാവ് വി. എസ്. അച്യുതാനന്ദന്റെ നേതൃത്വത്തിലാണ് ഇടതുമുന്നണി നേതാക്കള്‍ മുഖ്യമന്ത്രിയെ കണ്ട് നിവേദനം നല്‍കിയത്. നിവേദനം പരിശോധിച്ചതിന് ശേഷം സര്‍ക്കാരിന്റെ നിലപാട് അറിയിക്കാമെന്ന് മുഖ്യമന്ത്രി പറഞ്ഞിട്ടുണ്ടെന്ന് പിന്നീട് വാര്‍ത്താ ലേഖകരോട് അച്യുതാനന്ദന്‍ പറഞ്ഞു. മുഖ്യമന്ത്രിയുടെ നിലപാടിന്റെ അടിസ്ഥാനത്തില്‍ പ്രതിപക്ഷം തുടര്‍ നടപടികള്‍ സ്വീകരിക്കും.

പ്രമേയം ചര്‍ച്ച ചെയ്യുന്നതിന് നിയമസഭാ സമ്മേളനം വിളിക്കണമെന്ന് ആവശ്യപ്പെട്ട് പ്രതിപക്ഷം നല്‍കിയ നോട്ടീസ് നിയമസഭാ സെക്രട്ടറി തള്ളിയതിനെ തുടര്‍ന്നാണ് പ്രതിപക്ഷം മുഖ്യമന്ത്രിയെ കാണാന്‍ തീരുമാനിച്ചത്.