• search
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

കരുണാകര വിഭാഗം അയയുന്നു

  • By Staff

തിരുവനന്തപുരം: കോണ്‍ഗ്രസിലെ പ്രശ്നങ്ങള്‍ പരിഹരിക്കാന്‍ മുഖ്യമന്ത്രി എ. കെ. ആന്റണിയുമായി സഹകരിക്കാന്‍ തയ്യാറാണെന്ന കെ പി സി സി പ്രസിഡന്റ് കെ. മുരളീധരന്റെ പ്രസ്താവന ഐ ഗ്രൂപ്പ് അയയുന്നുവെന്ന സൂചനയാണ് നല്‍കുന്നതെന്ന് രാഷ്ട്രീയ നിരീക്ഷകര്‍ വിലയിരുത്തുന്നു.

അനുരഞ്ജനത്തിനുള്ള സാധ്യതയിനിയില്ലെന്നും ഹൈക്കമാന്റിന് മാത്രമാണ് പ്രശ്നങ്ങള്‍ പരിഹരിക്കാനാവുകയെന്നും നേരത്തെ പറഞ്ഞ മുരളീധരനാണ് ചര്‍ച്ചയ്ക്ക് തയ്യാറാണെന്ന് വ്യക്തമാക്കിയിരിക്കുന്നത്. എ ഗ്രൂപ്പുമായി ഇനിയൊരു ഒത്തുതീര്‍പ്പ് സാധ്യമല്ലെന്ന മട്ടില്‍ കര്‍ക്കശമായ പ്രസ്താവനകള്‍ നടത്തിയിരുന്ന മുരളീധരന്റെ ചര്‍ച്ചയ്ക്കൊരുക്കമാണെന്ന വെളിപ്പെടുത്തല്‍ അന്തിമമായ നേട്ടം തങ്ങളുടേതാവുമെന്ന ഐ ഗ്രൂപ്പിന്റെ വിശ്വാസത്തിന് മങ്ങലേറ്റുവെന്നാണ് വ്യക്തമാക്കുന്നത്.

നവംബര്‍ 19ന് നടക്കുന്ന റാലിക്ക് മുമ്പായി പാര്‍ട്ടി പിളരുമെന്നും ഡിസംബര്‍ ഒന്ന് വരെ കാത്തിരിക്കാന്‍ ഐ ഗ്രൂപ്പ് തയ്യാറല്ലെന്നുമുള്ള മട്ടിലാണ് മുരളി ഇതുവരെ പ്രസ്താവനകള്‍ നടത്തിയിരുന്നത്. എന്നാല്‍ ഐ ഗ്രൂപ്പ് വിചാരിച്ചതു പോലെ കാര്യങ്ങള്‍ നീങ്ങുന്നില്ലെന്നതാണ് ഇപ്പോഴത്തെ അദ്ദേഹത്തിന്റെ സ്വരമാറ്റത്തിന് കാരണം.

കെ. കരുണാകരന്‍ അവകാശപ്പെടുന്നതു പോലെ 71 എംഎല്‍എമാരുടെ പിന്തുണ ഉറപ്പാക്കാന്‍ ഐ ഗ്രൂപ്പിന് ഇതുവരെ കഴിഞ്ഞിട്ടില്ല. ഘടകകക്ഷികളില്‍ നിന്ന് പ്രതീക്ഷിച്ച പിന്തുണയുമുണ്ടായിട്ടില്ല. അന്ത്യശാസനങ്ങള്‍ ഇടയ്ക്കിടെ നല്‍കുന്നുണ്ടെങ്കിലും ഭീഷണിക്ക് വഴങ്ങാന്‍ തയ്യാറല്ലെന്ന സൂചനയാണ് ഹൈക്കമാന്റ് ഇതുവരെ നല്‍കിയിട്ടുള്ളത്.

നവംബര്‍ 19ന് നടക്കുന്ന റാലിക്ക് മുമ്പായി ഐ ഗ്രൂപ്പ് മുന്നറിയിപ്പ് നല്‍കുന്നതുപോലെ എന്തെങ്കിലും പൊട്ടിത്തെറിയുണ്ടാവാന്‍ സാധ്യതയില്ലെന്നാണ് രാഷ്ട്രീയ നിരീക്ഷകരുടെ വിലയിരുത്തല്‍. കടുംപിടുത്തത്തില്‍ നിന്ന് പിന്നോക്കം പോവാതെ നിവൃത്തിയില്ലെന്ന സൂചനയാണ് മുരളിയുടെ പ്രസ്താവനയും നല്‍കുന്നത്.

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more