അസ്കറിന്റെ കുടുംബത്തിന് 10 ലക്ഷം നല്കി?

തിരുവനന്തപുരം: മാറാട് കലാപത്തില്‍ കൊല്ലപ്പെട്ട പ്രതി അസ്കറിന്റെ കുടുംബത്തിന് സര്‍ക്കാര്‍ രഹസ്യമായി 10 ലക്ഷം സഹായധനം നല്കിയെന്ന് ബിജെപി.

ഡിസംബര്‍ ഒന്ന് തിങ്കളാഴ്ച ബിജെപി സംസ്ഥാനപ്രസിഡന്റ് പി.എസ്. ശ്രീധരന്‍പിള്ളയാണ് വാര്‍ത്താസമ്മേളനത്തില്‍ ഈ ആരോപണം ഉന്നയിച്ചത്. സഹായം നല്കുന്നതിന് ബിജെപി എതിരല്ല. പക്ഷെ അസ്കര്‍ മാറാട് കലാപത്തിലെ പ്രതിയാണ്.അതിനാല്‍ അസ്കറിന്റെ കുടുംബത്തിന് സഹായം നല്കുന്നത് നിയമവിരുദ്ധമാണ്. - ശ്രീധരന്‍പിള്ള പറഞ്ഞു.

നിരപരാധികളെ വധിയ്ക്കുന്നതിനിടയില്‍ അസ്കര്‍ അബദ്ധത്തില്‍ കൊല്ലപ്പെട്ടതാണ്. പൊലീസിന്റെ എഫ്ഐആറില്‍ അസ്കറിന്റെ പേരുണ്ട്. അതിനാല്‍ രഹസ്യമായി സഹായം നല്കിയത് ശരിയല്ല. വയനാട്ടില്‍ ആദിവാസികളെ വന്ധ്യംകരണം ചെയ്തതിനെ കുറിച്ച് ജുഡീഷ്യല്‍ അന്വേഷണം നടത്തണം. - ശ്രീധരന്‍പിള്ള ആവശ്യപ്പെട്ടു.