മുരളിയെ മാറ്റണം: കരുണാകരവിരുദ്ധര്‍

തിരുവനന്തപുരം: കെ. മുരളീധരനെ കെപിസിസി പ്രസിഡന്റ് സ്ഥാനത്ത് നിന്ന് മാറ്റണമെന്ന് കരുണാകരവിരുദ്ധരുടെ യോഗത്തില്‍ ആവശ്യമുയര്‍ന്നു.

തിരുവനന്തപുരം ബോട്ട്ക്ലബിലാണ് കരുണാകര വിരുദ്ധരുടെ യോഗം നടന്നത്. യുഡിഎഫ് കണ്‍വീനര്‍ ഉമ്മന്‍ചാണ്ടി, കെപിസിസി ജനറല്‍ സെക്രട്ടറി ബെന്നി ബെഹാനന്‍, കെ. കെ. രാമചന്ദ്രന്‍മാസ്റര്‍, എം.പി. ഗംഗാധരന്‍ തുടങ്ങിയവരുടെ നേതൃത്വത്തിലാണ് യോഗം നടന്നത്.

കരുണാകരവിരുദ്ധ ഗ്രൂപ്പുകളിലെ എംഎല്‍എമാരും യോഗത്തില്‍ പങ്കെടുത്തു.ബോട്ട് ക്ലബിലെ യോഗത്തിന് മുമ്പ് എംഎല്‍എ ഹോസ്റലിലെ ആര്യാടന്‍ മുഹമ്മദിന്റെ മുറിയില്‍ ചില കരുണാകര വിരുദ്ധ എംഎല്‍എമാരുടെ രഹസ്യയോഗം നടന്നിരുന്നു.

ദില്ലിയില്‍ നടക്കുന്ന ചര്‍ച്ചകളില്‍ എന്ത് നിലപാട് സ്വീകരിക്കണമെന്ന് യോഗം ചര്‍ച്ച ചെയ്തു. ഐ ഗ്രൂപ്പിനെ ഒതുക്കാനുള്ള ശ്രമത്തിന്റെ ഭാഗമായാണ് മുരളിയെ കെപിസിസി പ്രസിഡന്റ് സ്ഥാനത്തു നിന്ന് നീക്കണമെന്ന ആവശ്യപ്പെടണെമന്ന് യോഗം തീരുമാനിച്ചത്.