വന്ധ്യംകരണം: ആരോപണം ശരിയെന്ന് ബിജെപി
തിരുവനന്തപുരം: വയനാട് ജില്ലയില് ആദിവാസികളെ കൂട്ടവന്ധ്യംകരണത്തിന് വിധേയമാക്കിയെന്ന ആരോപണത്തില് ഉറച്ചുനില്ക്കുന്നുവെന്ന് ബിജെപി സംസ്ഥാന പ്രസിഡന്റ് പി. എസ്. ശ്രീധരന്പിള്ള പറഞ്ഞു.
സംഭവത്തെ കുറിച്ചുള്ള വിശദവിവരങ്ങള് പുറത്തുകൊണ്ടുവരേണ്ടത് സര്ക്കാരാണ്. വയനാട് ജില്ലയില് ആറു മാസത്തിനിടയില് വന്ധ്യംകരണത്തിന് വിധേയമാക്കപ്പെട്ട 1346 പേരില് 1090 പേര് ആദിവാസികളാണെന്നാണ് പാര്ട്ടി പ്രവര്ത്തകരില് നിന്ന് തങ്ങള്ക്ക് ലഭിച്ചിരിക്കുന്ന വിവരം. സംഭവം ഊതിവീര്പ്പിക്കപ്പെട്ടതാണെന്ന വയനാട് മെഡിക്കല് ഓഫീസറുടെ അവകാശവാദം ശരിയാണെങ്കില് സര്ക്കാര് എന്തുകൊണ്ട് സംഭവം സംബന്ധിച്ച് അന്വേഷണത്തിന് ഉത്തരവിടുന്നില്ല?.
വന്ധ്യംകരണ പ്രശ്നത്തില് പ്രതിഷേധ മാര്ച്ച് നടത്തിയ യുവമോര്ച്ച പ്രവര്ത്തകരെ അറസ്റ് ചെയ്ത് റിമാന്റിലാക്കിയതില് പാര്ട്ടി ശക്തമായി പ്രതിഷേധിക്കുന്നുവെന്ന് ശ്രീധരന്പിള്ള പറഞ്ഞു.