കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ആന്റണി ദില്ലിയില്‍ നിന്ന് മടങ്ങി

  • By Staff
Google Oneindia Malayalam News

ദില്ലി: കേരളത്തിലെ കോണ്‍ഗ്രസിലെ പ്രശ്നങ്ങള്‍ പരിഹരിക്കുന്നതിനായുള്ള ചര്‍ച്ചകളില്‍ പങ്കെടുക്കുന്നതിനായി ദില്ലിയിലെത്തിയ മുഖ്യമന്ത്രി എ. കെ. ആന്റണി ഡിസംബര്‍ എട്ട് തിങ്കളാഴ്ച കേരളത്തിലേക്ക് മടങ്ങി. വ്യാഴാഴ്ച അദ്ദേഹം വീണ്ടും ദില്ലിയില്‍ എത്തിയേയ്ക്കും.

കരുണാകരവിരുദ്ധ വിഭാഗത്തിന്റെ പ്രതിനിധിയായി ചര്‍ച്ചകളില്‍ പങ്കെടുക്കുന്നതിന് യുഡിഎഫ് കണ്‍വീനര്‍ ഉമ്മന്‍ചാണ്ടി ദില്ലിയിലുണ്ട്. കെപിസിസി പ്രസിഡന്റ് കെ. മുരളീധരന്‍ തിങ്കളാഴ്ച കൂടി ദില്ലിയിലുണ്ടാവും. ചൊവാഴ്ചയാണ് കെ. കരുണാകരന്‍ ആശുപത്രി വിടുന്നത്.

കോണ്‍ഗ്രസിലെ പ്രതിസന്ധി പരിഹരിക്കുന്നതിന് വിവിധ നേതാക്കളുമായി ഹൈക്കമാന്റ് ചര്‍ച്ച നടത്തിയെങ്കിലും ഇതുവരെ പരിഹാര മാര്‍ഗത്തിന് രൂപമായിട്ടില്ല. ആന്റണിയെ മാറ്റണമെന്ന നിലപാടില്‍ നിന്ന് ഐ ഗ്രൂപ്പും കെപിസിസി പ്രസിഡന്റ് സ്ഥാനത്തു നിന്ന് മുരളിയെ നീക്കണമെന്ന നിലപാടില്‍ നിന്ന് കരുണാകര വിരുദ്ധരും പിന്നോട്ടു പോവില്ലെന്ന് വ്യക്തമാക്കിയിട്ടുണ്ട്.

രണ്ടാം ഘട്ട ചര്‍ച്ചയില്‍ മാത്രമേ താത്കാലിക പരിഹാര മാര്‍ഗമെങ്കിലും തെളിയാന്‍ സാധ്യതയുള്ളൂ. അതിനായി കേരളത്തിലെ കോണ്‍ഗ്രസ് നേതാക്കള്‍ അടുത്തയാഴ്ച വീണ്ടും ദില്ലിയിലെത്തിയേക്കും.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X