കരുണാകര വിരുദ്ധരുടെ യോഗം തിങ്കളാഴ്ച

തിരുവനന്തപുരം: കോണ്‍ഗ്രസിലെ കരുണാകര വിരുദ്ധ വിഭാഗങ്ങളുടെ അനൗപചാരിക യോഗം ഡിസംബര്‍ 15 തിങ്കളാഴ്ച തിരുവനന്തപുരത്ത് നടക്കും.

കരുണാകര വിഭാഗത്തിനെതിരെ സ്വീകരിക്കേണ്ട നീക്കങ്ങളെ കുറിച്ചാവും യോഗത്തില്‍ പ്രധാനമായും ചര്‍ച്ച നടക്കുന്നത്. യുഡിഎഫ് കണ്‍വീനര്‍ ഉമ്മന്‍ചാണ്ടിയുടെ അധ്യക്ഷതയിലായിരിക്കും യോഗം.

ഐ ഗ്രൂപ്പിനെതിരെ നടപടി വേണ്ടെന്ന് ഹൈക്കമാന്റിനോട് മുഖ്യമന്ത്രി എ. കെ. ആന്റണി ആവശ്യപ്പെട്ടതായുള്ള വാര്‍ത്ത കരുണാകര വിരുദ്ധരില്‍ ആശയക്കുഴപ്പമുണ്ടാക്കിയിരുന്നെങ്കിലും ഈ വാര്‍ത്ത മുഖ്യമന്ത്രി നിഷേധിച്ചത് കരുണാകരവിരുദ്ധരില്‍ ആത്മവിശ്വാസം വളര്‍ത്തിയിട്ടുണ്ട്.