നാടെങ്ങും ക്രിസ്മസ് ആഘോഷം

തിരുവനന്തപുരം: നാടെങ്ങും ക്രിസ്മസ് ആഘോഷിയ്ക്കുകയാണ്. ലോകമെങ്ങും ആഘോഷിയ്ക്കുന്ന ഒരു ഉത്സവവും ക്രിസ്മസ് തന്നെ.

കേരളത്തിലും ക്രിസ്മസ് ആഘോഷപൂര്‍വം കൊണ്ടാടുകയാണ്. എല്ലാ പള്ളികളിലും പ്രത്യേേക കുര്‍ബാനകളും കൂട്ട പ്രാര്‍ത്ഥനകളും നടക്കുകയാണ്. 24 ന് അര്‍ത്ഥ രാത്രിയിലും പ്രത്യേക പ്രാര്‍ത്ഥനകള്‍ നടന്നു. തിരുപ്പിറവി ആഘോഷിച്ച് കൊണ്ട് പള്ളികളില്‍ കൂട്ടമണികള്‍ പ്രാര്‍ത്ഥനയ്ക്കെത്തിയവരില്‍ ഭക്തിയുടെ പുതു വികാരങ്ങള്‍ ഉണര്‍ത്തി.

കരോള്‍ നടത്തിയും പള്ളികളിലും പുറത്തും ക്രിസ്മസ് കച്ചവടങ്ങള്‍ ഒരുക്കിയും ക്രിസ്മസിന് ഒരുക്കം തുടങ്ങിയിട്ട് ഒരാഴ്ചയിലേറെയായി.

ക്രിസ്മസ് ആഘോഷിയ്ക്കാനായി കേരളത്തില്‍ സര്‍ക്കാര്‍ ഡിസംബര്‍ 21, 22, 23 തീയതികളില്‍ തന്നെ ജീവനക്കാര്‍ക്ക് ശമ്പളം നല്‍കിയിരുന്നു. ഗവര്‍ണറും മുഖ്യമന്ത്രിയും മറ്റ് മന്ത്രിമാരും മലയാളികള്‍ക്ക് ക്രിസ്മസ് ആശംസകള്‍ നേര്‍ന്നു.

ഐശ്വര്യത്തിന്റെയും സ്നേഹത്തിന്റെയും സാഹോദര്യത്തിന്റെയും ഉത്സവമാണ് ക്രിസ്മസ്.