വിനോദസഞ്ചാരികളുടെ എണ്ണത്തില്‍ റെക്കോഡ്

ദില്ലി: ഇന്ത്യയിലെത്തുന്ന വിനോദസഞ്ചാരികളുടെ എണ്ണത്തില്‍ 2003 സര്‍വകാല റെക്കോഡ് സൃഷ്ടിച്ചു.

27.50 ലക്ഷം വിനോദസഞ്ചാരികളാണ് 2003ല്‍ ഇന്ത്യയിലെത്തിയത്. 2002ല്‍ 23.84 ലക്ഷം പേരായിരുന്നു വിനോദസഞ്ചാരികളായെത്തിയത്. 2003ല്‍ 15.30 ശതമാനത്തിന്റെ വര്‍ധനവുണ്ടായി.

2001ല്‍ 25.37 ലക്ഷം വിനോദസഞ്ചാരികളാണ് ഇന്ത്യയില്‍ വന്നത്. 2002-ല്‍ ഭീകരആക്രണങ്ങളെ കുറിച്ചുള്ള ആശങ്കയെ തുടര്‍ന്ന് വിനോദസഞ്ചാരികളുടെ എണ്ണം കുറയുകയായിരുന്നു.

വിനോദസഞ്ചാരത്തില്‍ നിന്നും 2003ല്‍ ഉണ്ടായ വരുമാനം തിട്ടപ്പെടുത്തിയിട്ടില്ല. 2001ല്‍ 14344 കോടിയും 2002ല്‍ 14195 കോടിയും വരുമാനമാണുണ്ടായത്.