28 വരെ കാക്കാന്‍ ഐ ഗ്രൂപ്പ് തീരുമാനം

തിരുവനന്തപുരം: ജനവരി 28 വരെ ഹൈക്കമാന്റിന്റെ തീരുമാനത്തിന് കാത്തുനില്ക്കാന്‍ ജനവരി 22 ബുധനാഴ്ച ചേര്‍ന്ന ഐ ഗ്രൂപ്പ് യോഗം തീരുമാനിച്ചു.

കോണ്‍ഗ്രസിലെ ചര്‍ച്ച വഴിമുട്ടിയതിന്റെ പശ്ചാത്തലത്തിലാണ് ഐ ഗ്രൂപ്പ് നേതാക്കളുടെ യോഗം നടന്നത്. കരുണാകരന്റെ വീട്ടിലായിരുന്നു യോഗം.

ഐ ഗ്രൂപ്പിന്റെ വിപുലമായ യോഗം നടക്കുന്ന ജനവരി 28ന് അന്തിമതീരുമാനമുണ്ടാവുമെന്ന് കെപിസിസി ജനറല്‍ സെക്രട്ടറി രാജ്മോഹന്‍ ഉണ്ണിത്താന്‍ പറഞ്ഞു. എന്ത് തീരുമാനമെടുക്കണമെന്ന കാര്യം കരുണാകരന് വിട്ടുകൊടുത്തിരിയ്ക്കുകയാണ്.

മന്ത്രിമാരായ പി. ശങ്കരനും കടവൂര്‍ ശിവദാസനും എംഎല്‍എമാരും കെപിസിസി, ഡിസിസി ഭാരവാഹികളും യോഗത്തില്‍ പങ്കെടുത്തു.