ഉഷ കൃഷ്ണകുമാറും ബി.ജെ.പിയില് ചേരുന്നു
ദില്ലി: ഉഷ കൃഷ്ണകുമാറും ഭാരതീയ ജനതാ പാര്ട്ടിയില് ചേരുന്നു. മുന് കേന്ദ്രമന്ത്രിയും ഉഷയുടെ ഭര്ത്താവുമായ എസ്. കൃഷ്ണകുമാര് 2003 ഒക്ടോബറില് ബി.ജെ.പിയില് ചേര്ന്നിരുന്നു.
അഘിലേന്ത്യാ മഹിളാ കോണ്ഗ്രസ് ജനറല് സെക്രട്ടറിയാണ് ഉഷാ കൃഷ്ണകുമാര്. ഫിബ്രവരി നാല് ബുധനാഴ്ച ബി.ജെ.പി ഓഫീസില് അദ്ധ്യക്ഷന് വെങ്കയ്യ നായിഡുവിന്റെ സാന്നദ്ധ്യത്തിലാണ് ഉഷ ബി.ജെ.പിയില് ചേരുന്നത്. ബുധനാഴ്ച തന്നെ ഉഷ കോണ്ഗ്രസില് നിന്നുള്ള രാജികത്ത് സോണിയാ ഗാന്ധിയ്ക്ക് നല്കും.
ഒക്ടോബറില് ഉപ പ്രധാനമന്ത്രി എല്. കെ. അദ്വാനിയുടെ സാന്നിദ്ധ്യത്തിലായിരുന്നു എസ്. കൃഷ്ണകുമാര് ബി ജെ പിയില് ചേര്ന്നത്.
കൃഷ്ണകുമാര് ബി.ജെ.പിയില് ചേര്ന്നതിന് തൊട്ടു പിന്നാലേ താന് ബി.ജെ.പിയിലേയ്ക്ക് ഇല്ലെന്ന് ഉഷ വ്യക്തമാക്കിയിരുന്നു. മതേതര പാര്ട്ടിയായ കോണ്ഗ്രസ് തന്നെയാണ് തന്റെ പ്രവര്ത്തന മേഖല എന്നായിരുന്നു അന്ന് ഉഷ പറഞ്ഞത്.