എംപിമാര്‍ ഫണ്ട് പാഴാക്കി: ബിജെപി

തിരുവനന്തപുരം: കേരളത്തിലെ ലോക്സഭാ, രാജ്യസഭാ എംപിമാര്‍ തങ്ങളുടെ മണ്ഡലത്തിന്റെ വികസനത്തിനായുള്ള ഫണ്ട് പാഴാക്കിയെന്ന് ബിജെപി സംസ്ഥാന പ്രസിഡന്റ് പി. എസ്. ശ്രീധരന്‍പിള്ള ആരോപിച്ചു.

മണ്ഡലങ്ങളുടെ വികസനത്തിനായി 82 കോടിയുടെ ഫണ്ടാണുള്ളത്. കേരളത്തില്‍ നിന്ന് രാജ്യസഭയിലേക്കും ലോക്സഭയിലേക്കും തിരഞ്ഞെടുക്കപ്പെട്ട പല എംപിമാരും ഈ ഫണ്ട് ഉപയോഗിക്കാതെ പാഴാക്കി. ദീര്‍ഘകാലമായി എംപിമാരായിരിക്കുന്ന പലരും ഫണ്ട് വിനിയോഗിച്ചില്ല.

ഫിബ്രവരി 12 വ്യാഴാഴ്ച വാര്‍ത്താ സമ്മേളനത്തില്‍ സംസാരിക്കുകയായിരുന്നു ശ്രീധരന്‍പിള്ള.

ലോക്സഭാ തിരഞ്ഞെടുപ്പില്‍ ചലച്ചിത്രതാരങ്ങള്‍, സാമൂഹിക പ്രവര്‍ത്തകര്‍ തുടങ്ങിയവരുള്‍പ്പെടെ വിവിധ മേഖലകളെ പ്രഗത്ഭരെ ബിജെപി സ്ഥാനാര്‍ഥികളാക്കുമെന്ന് ശ്രീധരന്‍പിള്ള അറിയിച്ചു.