പത്മജയ്ക്ക് സീറ്റ്: മുഖ്യമന്ത്രിയ്ക്ക് എതിര്‍പ്പ്

ദില്ലി: പത്മജയ്ക്ക് ലോക്സഭാ തിരഞ്ഞെടുപ്പില്‍ സീറ്റ്നല്കുന്നതിനെ മുഖ്യമന്ത്രി എ.കെ. ആന്റണി എതിര്‍ക്കുന്നു. ഫിബ്രവരി 18 ബുധനാഴ്ച രാവിലെ സോണിയാഗാന്ധിയുമായി നടത്തിയ ചര്‍ച്ചയിലാണ് ആന്റണി ഈ തീരുമാനം അറിയിച്ചതെന്ന് പറയുന്നു.

ഐഗ്രൂപ്പിന്റെയും കരുണാകരന്റെയും താല്പര്യപ്രകാരംമുരളിയ്ക്ക് മന്ത്രിസ്ഥാനം നല്കി. കരുണാകരന് രാജ്യസഭാസീറ്റ് നല്കണം. അതിനിടയില്‍ ഇനി പത്മജയ്ക്ക് പാര്‍ലമെന്റ് സീറ്റ് കൂടി നല്കാനാവില്ലെന്നതാണ് ആന്റണിയുടെ നിലപാട്.

ബുധനാഴ്ച രാവിലെ 10.15നാണ് ആന്റണി സോണിയാഗാന്ധിയെ കണ്ടത്. ചര്‍ച്ച അരമണിക്കൂറോളം നീണ്ടു.