ഹിന്ദി നടന്‍ വിജയാനന്ദ് അന്തരിച്ചു

മുംബൈ: ഹിന്ദി ചലച്ചിത്ര നടനും സംവിധായകനുമായ വിജയാനന്ദ് (71) അന്തരിച്ചു. ഫിബ്രവരി 21 ശനിയാഴ്ച ഹൃദയാഘാതം ഉണ്ടായതിനെ തുടര്‍ന്ന് ആശുപത്രിയില്‍ പ്രവേശിപ്പിച്ചിരുന്നു. തിങ്കളാഴ്ച രാവിലെ ആറ് മണിയ്ക്കായിരുന്നു അന്ത്യം.

സെന്‍സര്‍ ബോര്‍ഡിന്റെ മുന്‍ അദ്ധ്യക്ഷനായിരുന്നു. പിന്നീട് അംഗങ്ങളുമായുള്ള അഭിപ്രായ വ്യത്യാസത്തെ തുടര്‍ന്ന് ആ സ്ഥാനം രാജിവച്ചു. ജോണി മേരാ നാം, ജ്വല്‍ തീഫ് എന്നീ പ്രശസ്ത ചിത്രങ്ങളുടെ സംവിധായകനാണ്. ചലച്ചിത്ര നടനായ ദേവാനന്ദിന്റെ അനുജനാണ്. നവകരണ്‍ പ്രൊഡക്ഷന്‍സ് സ്ഥാപിച്ചത് വിജയാന്ദാണ്.

സുഷമ ഭാര്യയും വൈഭവ് മകനുമാണ്.