• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

എല്‍ടിടിയില്‍ പിളര്‍പ്പ്?

  • By Staff

കൊളംബോ: ശ്രീലങ്കയില്‍ തമിഴ്പോരാട്ടത്തിന് നേതൃത്വം നല്കിയ എല്‍ടിടിഇയ്ക്കകത്ത് പിളര്‍പ്പിന്റെ സൂചനകള്‍. എല്‍ടിടിഇ നേതാവ് പ്രഭാകരനെ കിഴക്കന്‍ മേഖലയിലെ എല്‍ടിടിഇ നേതാവ് വി. മുരളീധരന്‍ എന്ന കരുണ പരസ്യമായി എതിര്‍ക്കുന്നതായാണ് സൂചനകള്‍.

നേരത്തെ പ്രഭാകരന്റെ അടുത്ത അനുയായിയും എല്‍ടിടിഇ നേതാവുമായ പൊട്ടുഅമ്മന്‍ കഴിഞ്ഞ ദിവസം എല്‍ടിടിഇയ്ക്കകത്തെ ചില നേതാക്കളെ വകവരുത്തിയിരുന്നു. നേതൃത്വത്തിന് ഭീഷണിയായി വളരുന്ന നേതാക്കളെയാണ് പൊട്ടു അമ്മന്റെ നേതൃത്വത്തില്‍ ഇല്ലായ്മ ചെയ്തത്. കരുണയുമായി അടുത്ത ബന്ധമുള്ളവരാണ് ഈ നേതാക്കള്‍. ഇതാണ് കരുണയെ പ്രഭാകരനെതിരെ തിരിയാന്‍ പ്രേരിപ്പിച്ചത്.

ഇപ്പോള്‍ പ്രഭാകരന്റെ അധീനതയിലുള്ള വടക്കന്‍ മേഖലയില്‍ നിന്നും തങ്ങളുടെ ചില നേതാക്കളെ മോചിപ്പിയ്ക്കാന്‍ കരുണ ശ്രീലങ്കന്‍ സൈന്യത്തിന്റെ സഹായം ചോദിച്ചിരിക്കുന്നതായാണ് വാര്‍ത്ത പ്രചരിയ്ക്കുന്നത്.

എന്നാല്‍ എല്‍ടിടിഇയ്ക്കകത്തുള്ള ഈ പിളര്‍പ്പിനെ ചന്ദ്രിക കുമാരതുംഗെ കാര്യമായെടുക്കുന്നില്ല. അത് എല്‍ടിടിഇയ്ക്കകത്തുള്ള വെറും മുറുമുറുപ്പുകള്‍ മാത്രമായേ കാണാനാവൂ എന്നാണ് ചന്ദ്രികയുടെ വിശദീകരണം. ശ്രീലങ്കയിലെ മുന്‍ പ്രധാനമന്ത്രി വിക്രമസിംഗെയും ശ്രീലങ്കന്‍ സര്‍ക്കാരിന്റെ വക്താവ് ജി.എല്‍. പെയ്രിസും എല്‍ടിടിഇയിലെ ഈ പിളര്‍പ്പിനെക്കുറിച്ച് മൗനം ദീക്ഷിയ്ക്കുകയാണ്.

തമിഴ്പുലികളുടെ വെബ്സൈറ്റായ തമിഴ്നെറ്റ് സംഘടനയിലെ പിളര്‍പ്പിനെ നിഷേധിയ്ക്കുകയാണ്. ഇപ്പോഴും വേലുപിള്ള പ്രഭാകരന്റെ നിര്‍ദേശമനുസരിച്ചാണ് സംഘടന മുന്നോട്ട് പോകുന്നതെന്നാണ് തമിഴ്നെറ്റ് പറയുന്നത്. തങ്ങളെ മറ്റൊരു സംഘടനയായി കണ്ട് സമാധാനചര്‍ച്ചകളില്‍ പങ്കെടുപ്പിയ്ക്കണമെന്ന് കരുണ സമാധാനചര്‍ച്ചകള്‍ക്ക് മധ്യസ്ഥത വഹിയ്ക്കുന്ന നോര്‍വെയോട് അഭ്യര്‍ത്ഥിച്ചതായും വാര്‍ത്തയുണ്ട്.

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more