ഒസാമയുടെ തലയ്ക്ക് 240 കോടി
വാഷിംഗ്ടണ്: ഒസാമ ബിന് ലാദനെ പിടികൂടാന് സഹായിക്കുന്നവര്ക്കുള്ള പ്രതിഫലത്തുക ഇരട്ടിയാക്കി ഉയര്ത്താന് യുഎസ് ഭരണകൂടം തീരുമാനിച്ചു. നേരത്തെ 120 കോടി രൂപയായിരുന്നു പ്രതിഫലത്തുക നിശ്ചയിച്ചിരുന്നതെങ്കില്, അതിപ്പോള് 240 കോടി രൂപയാക്കി ഉയര്ത്തിയിരിക്കുകയാണ്.
കഴിഞ്ഞ ദിവസം ഈ തീരുമാനത്തിന് യുഎസ് പ്രതിനിധിസഭ 100 ശതമാനം പിന്തുണ നല്കി. ഈ ബില്ലിന് അനുകൂലമായി സഭയിലുണ്ടായിരുന്ന 414 പേരും വോട്ടുചെയ്തു.
ഇനി ഈ ബില് സെനറ്റില് കൂടി പാസാകണം. ഒസാമ ബിന് ലാദന്റെ ഉറ്റ അനുയായിയായ അയ്മാന് അല്-സവാഹിരിയെ വളഞ്ഞതായി റിപ്പോര്ട്ട് ലഭിച്ചതോടെ ഒസാമ ബിന് ലാദനെയും വൈകാതെ പിടികൂടാനാകുമെന്ന പ്രതീക്ഷയിലാണ് യുഎസ്.
Click it and Unblock the Notifications
Sign in with Google