കേരളത്തില്‍ ആര്‍എസ്എസ് വളരുന്നു

കൊച്ചി: കേരളത്തില്‍ ആര്‍എസ്എസിന് കഴിഞ്ഞ വര്‍ഷം എട്ട് ശതമാനം വളര്‍ച്ചയുണ്ടായതായി ആര്‍എസ്എസിന്റെ ജയ്പൂരില്‍ നടന്ന ദേശീയ സമ്മേളനത്തില്‍ സംസ്ഥാന നേതൃത്വം അവതരിപ്പിച്ച റിപ്പോര്‍ട്ടില്‍ പറയുന്നു.

കഴിഞ്ഞ വര്‍ഷം മാത്രം നാനൂറിലേറെ ശാഖകള്‍ കൂടുതല്‍ ഉണ്ടായതായി റിപ്പോര്‍ട്ടില്‍ അവകാശപ്പെടുന്നു. 2003 ഫിബ്രവരി-മാര്‍ച്ചില്‍ ആര്‍എസ്എസിന് 3223 ശാഖകളാണ് ഉണ്ടായിരുന്നത്. 2004 ഫിബ്രവരി-മാര്‍ച്ചില്‍ ഇത് 3623 ആയി ഉയര്‍ന്നു.

ഓരോ ശാഖയിലും 40-50 പ്രവര്‍ത്തകരാണ് ഉണ്ടാവുക. ഇത് പ്രകാരം കഴിഞ്ഞ വര്‍ഷം 20,000 ഓളം പുതിയ പ്രവര്‍ത്തകര്‍ ആര്‍എസ്എസിനുണ്ടായിട്ടുണ്ട്.

പ്രതിവാര യോഗങ്ങളിലും പ്രതിമാസയോഗങ്ങളിലും പുതിയ പ്രവര്‍ത്തകരുടെ സംഘടനയിലേക്കുേള്ള ഒഴുക്ക് വ്യക്തമായിട്ടുണ്ട്. വൈകുന്നേരങ്ങളിലെയും രാത്രികളിലെയും ശാഖകളില്‍ പങ്കെടുക്കുന്നവരുടെ എണ്ണത്തിലും വര്‍ധനവുണ്ടായെന്ന് റിപ്പോര്‍ട്ടില്‍ അവകാശപ്പെടുന്നു.