സോണിയ വന്നാല് രാജിവയ്ക്കും: സാംഗ്മ
ദില്ലി: സോണിയ പ്രധാനമന്ത്രിയായാല് താന് ലോക്സഭാംഗത്വം രാജിവയ്ക്കുമെന്ന് നാഷണലിസ്റ് തൃണമൂല് നേതാവ് പി.എം. സാംഗ്മ.
സോണിയ പ്രധാനമന്ത്രിയാകുന്ന ആ മിനിറ്റില്, ആ നിമിഷത്തില് ഞാന് രാജിവയ്ക്കും. പക്ഷെ സോണിയ പ്രധാനമന്ത്രിയാകുന്നത് സംഭവിയ്ക്കുന്ന പ്രശ്നമില്ല. കഴിഞ്ഞ ലോക്സഭാ തിരഞ്ഞെടുപ്പ് കാലത്ത് വിദേശി പ്രധാനമന്ത്രിയാകുന്ന പ്രശ്നം കോണ്ഗ്രസിനുള്ളില് ചര്ച്ചയ്ക്ക് വന്നതാണ്. കോണ്ഗ്രസ് ഇതുവരെ പാഠം പഠിച്ചിട്ടില്ല. ഈ തിരഞ്ഞെടുപ്പില് ഇക്കാര്യം ജനങ്ങള് തീരുമാനിച്ചുകൊള്ളും. - സാംഗ്മ പറഞ്ഞു.
രാഹുല് ഗാന്ധി മത്സരിയ്ക്കുന്നത് അവരുടെ ഉള്ളില് നേതൃത്വപ്രശ്നം ഉള്ളതുകൊണ്ടാണെന്നും സാംഗ്മ പറഞ്ഞു. രാഹുലോ പ്രിയങ്കയോ പ്രധാനമന്ത്രിയാകുന്നതില് എതിര്പ്പില്ല. പക്ഷെ അത് ഒരിക്കലും ഉണ്ടാകില്ല.
ഇനി കോണ്ഗ്രസിലേക്ക് തിരിച്ചുപോകില്ല. ദില്ലിയില് മാര്ച്ച് 31 ബുധനാഴ്ച വാര്ത്താലേഖകരോട് സംസാരിക്കുകയായിരുന്നു അദ്ദേഹം.