മതസംഘടനകളുടെ വിലപേശല്തെറ്റ്: കരുണാകരന്
കൊച്ചി: മത-സമുദായസംഘടനകളുടെ വിലപേശല് രാഷ്ട്രീയം ആപത്താണെന്നും ഇതിനെതിരെ മതേതര-ജനാധിപത്യ കക്ഷികള് ഒന്നിക്കണമെന്നും കോണ്ഗ്രസ് നേതാവ് കെ. കരുണാകരന് അഭിപ്രായപ്പെട്ടു.
കുറച്ച് മാസങ്ങള്ക്ക് മുമ്പ് എ. കെ. ആന്റണി നടത്തിയ ന്യൂനപക്ഷ പ്രസ്താവനയ്ക്ക് സമാനമാണ് ഈ പ്രസ്താവനയെങ്കിലും ഒരു സംഘടനയും ഇത് ഏറ്റ് പിടിച്ചില്ല. അതിന് കാരണം കരുണാകരന് ഈ പ്രശ്നത്തെ സമീപിച്ച രീതിയാണെന്ന് വേണം കരുതാന്.
എറണാകുളം ലോകസഭാമണ്ഡലം യു.ഡി.എഫ് തിരഞ്ഞെടുപ്പ് സമ്മേളനം ഉദ്ഘാടനം ചെയ്യുമ്പോഴാണ് കരുണാകരന് ഈ അഭിപ്രായ പ്രകടനം നടത്തിയത്. അവിടെയും കരുണാകരന് ഈ അഭിപ്രായപ്രകടനം നിറുത്തിയില്ല. പിന്നീട് പനമ്പിള്ളി നഗറിലെ വീട്ടില് വാര്ത്താ ലേഖകരോട് സംസാരിക്കുമ്പോഴും കരുണാകരന് പുതിയ വിലപേശല് രാഷ്ട്രീയ പ്രവണതയെ വിമര്ശിച്ചു. കേരളം പോലെ പുരോഗമിച്ച സംസ്ഥാനത്തുപോലും ഇതു നടക്കുന്നതില് ലജ്ജിക്കേണ്ടതാണ്. ഇത് അവസാനിപ്പിച്ചില്ലെങ്കില് സാധാരണക്കാരനും തൊഴിലാളികള്ക്കും ബുദ്ധിമുട്ടാകുമെന്നായിരുന്നു കരുണാകരന് അവിടെ പറഞ്ഞത്.