വോട്ടര്‍പ്പട്ടിക: മൊബൈലിലൂടെ അറിയാം

കൊച്ചി: മൊബൈല്‍ ഫോണില്‍ എസ്എംഎസ് സന്ദേശത്തിലൂടെ വോട്ടര്‍പ്പട്ടിക സംബന്ധിച്ച വിവരങ്ങള്‍ ജനങ്ങള്‍ക്ക് ലഭിക്കും.

കേരളത്തില്‍ എസ്കോട്ടെല്ലാണ് തിരഞ്ഞെടുപ്പ് കമ്മിഷന്റെ സഹകരണത്തോടെ ഈ സംവിധാനത്തിന് തുടക്കമിട്ടത്.

ഏപ്രില്‍ 24 ശനിയാഴ്ച കൊച്ചിയില്‍ നടന്ന ചടങ്ങില്‍ തിരഞ്ഞെടുപ്പ് കമ്മിഷണര്‍ ബി. ബി. ടണ്ടന്‍ ഈ സേവനസംവിധാനം ഉദ്ഘാടനം ചെയ്തു. തിരഞ്ഞെടുപ്പ് വിവരങ്ങള്‍ എസ്എംഎസിലൂടെ ലഭ്യമാക്കുന്നത് ജനങ്ങള്‍ക്ക് ആവശ്യമായ വിവരങ്ങള്‍ കൂടുതല്‍ സൗകര്യപ്രദമായി ലഭിക്കുന്നതിന് സഹായിക്കുമെന്ന് ടണ്ടന്‍ പറഞ്ഞു.

എസ്കോട്ടെല്‍ കേരള ചീഫ് ഓപ്പറേറ്റിംഗ് ഓഫീസര്‍ ബി. രാമകൃഷ്ണന്‍ ചടങ്ങില്‍ സംബന്ധിച്ചു.