പ്രവേശന പരീക്ഷ തിങ്കളാഴ്ച മുതല്‍

തിരുവനന്തപുരം: കേരളത്തിലെ പ്രവേശന പരീക്ഷകള്‍ ഏപ്രില്‍ 26 തിങ്കളാഴ്ച ആരംഭിയ്ക്കും. എഞ്ചിനിയറിംഗ് പ്രവേശന പരീക്ഷ 26, 27 തീയതികളിലാണ് നടക്കുന്നത്. മെഡിയ്ക്കല്‍ - അഗ്രികള്‍ച്ചറല്‍ പ്രവേശന പരീക്ഷ 28, 29 തീയതികളിലാണ്.

എഞ്ചിനിയറിംഗിന് 52,866 പേരും മെഡിയ്ക്കല്‍ പരീക്ഷയ്ക്ക് 50208 പേരും അപേക്ഷകരായുണ്ട്. രണ്ട് പരീക്ഷകളും എഴുതുന്നത് 36745 പേരാണ്. വാസ്തുശില്പ (ആര്‍ക്കിടക്ച്ചര്‍) അഭിരുചി പരീക്ഷയ്ക്ക് 15,592 പേര്‍ അപേക്ഷിച്ചിട്ടുണ്ട്.