പ്രവര്‍ത്തകരുടെ ആവശ്യം സോണിയ തള്ളി

ദില്ലി: തന്റെ തീരുമാനം മാറ്റണമെന്നുള്ള കോണ്‍ഗ്രസ് പ്രവര്‍ത്തകരുടെ ആവശ്യം സോണിയാഗാന്ധി തള്ളി. മെയ് 19 ബുധനാഴ്ച എഐസിസി ജനറല്‍ സെക്രട്ടറി ഓസ്കാര്‍ ഫെര്‍ണാണ്ടസ് അറിയിച്ചതാണ് ഈ കാര്യം.

തീരുമാനം മാറ്റുന്നതിന് സമ്മര്‍ദ്ദം ചെലുത്താനായി സോണിയയെ മറ്റ് കോണ്‍ഗ്രസ് നേതാക്കളോടൊപ്പം കണ്ടശേഷം പുറത്തുവന്നാണ് ഓസ്കാര്‍ ഫെര്‍ണാണ്ടസ് ഇക്കാര്യം അറിയിച്ചത്. തീരുമാനം മാറ്റില്ലെന്ന തന്റെ നിലപാടില്‍ സോണിയ ഉറച്ചുനില്ക്കുകയായിരുന്നു. - ഓസ്കാര്‍ ഫെര്‍ണാണ്ടസ് പറഞ്ഞു.

പക്ഷെ ഇനിയും തീരുമാനം മാറ്റാന്‍ ഞങ്ങള്‍ സമ്മര്‍ദ്ദം തുടരും. പക്ഷെ തീരുമാനമെടുക്കേണ്ടത് അവരാണ്. - ഓസ്കാര്‍ ഫെര്‍ണാണ്ടസ് പറഞ്ഞു.