സോണിയ തീരുമാനം മാറ്റണം: ആന്റണി

തിരുവനന്തപുരം: പ്രധാനമന്ത്രിയാകില്ലെന്ന തീരുമാനത്തില്‍ നിന്നും സോണിയാഗാന്ധി പിന്തിരിയണമെന്ന് മുഖ്യമന്ത്രി എ.കെ. ആന്റണി.

മെയ് 19 ബുധനാഴ്ച മാധ്യമപ്രവര്‍ത്തകരോട് സംസാരിക്കുകയായിരുന്നു ആന്റണി. പ്രധാനമന്ത്രിപദത്തില്‍ നിന്നും പിന്മാറാനുള്ള സോണിയയുടെ തീരുമാനം നിര്‍ഭാഗ്യകരമാണ്. - ആന്റണി പറഞ്ഞു.

സോണിയാഗാന്ധി പ്രധാനമന്ത്രിയാകാനാണ് ജനവിധി ഉണ്ടായിരിക്കുന്നത്. സോണിയാജിയെ എന്റെ ഉറച്ച തീരുമാനം ഞാന്‍ അറിയിച്ചിട്ടുണ്ട്. അവര്‍ക്ക് പിന്തിരിയേണ്ട ഒരു സാഹചര്യവും ഇല്ല. സോണിയയുടെ മനസ്സ് മാറ്റാന്‍ സമ്മര്‍ദ്ദം ചെലുത്തുന്നതിന് താന്‍ ദില്ലിയിലേക്ക് പോകുമെന്നും ആന്റണി പറഞ്ഞു.