കരുണാകരന്‍ ചര്‍ച്ച തുടങ്ങി

തിരുവനന്തപുരം: കോണ്‍ഗ്രസിനെ പുനരുദ്ധരിയ്ക്കാനും ഐക്യം ഊട്ടിയുറപ്പിക്കാനും ലക്ഷ്യംവച്ച് കരുണാകരന്‍ വിവിധ ഗ്രൂപ്പ് നേതാക്കളുമായി ചര്‍ച്ച ആരംഭിച്ചു. സര്‍ക്കാരിനുള്ളില്‍ വരാനിരിയ്ക്കുന്ന പുനസംഘടനയ്ക്കുള്ള അടിത്തറയൊരുക്കലും കരുണാകരന്റെ ഈ കൂടിക്കാഴ്ചയുടെ ലക്ഷ്യമാണ്.

കഴിഞ്ഞ ദിവസം എ ഗ്രൂപ്പ് നേതാക്കളായ ഉമ്മന്‍ചാണ്ടി, തിരുവഞ്ചൂര്‍ രാധാകൃഷ്ണന്‍ എന്നിവരുമായി കൂടിക്കാഴ്ച നടത്തിയാണ് കരുണാകരന്‍ തന്റെ ദൗത്യം ആരംഭിച്ചത്.

അരമണിക്കൂര്‍ നേരം നീളുന്നതായിരുന്നു ഈ കൂടിക്കാഴ്ച. മെയ് 24 തിങ്കളാഴ്ച കരുണാകരന്റെ വീട്ടില്‍ വിളിച്ചുചേര്‍ത്ത ഐ ഗ്രൂപ്പ് യോഗത്തില്‍ പങ്കെടുക്കാതിരുന്ന ചില ഐ ഗ്രൂപ്പ് എംഎല്‍എമാര്‍ ചൊവാഴ്ച കരുണാകരനെ സന്ദര്‍ശിച്ച്ചര്‍ച്ച നടത്തി. മുന്‍ എംപി വി.എസ്. ശിവകുമാര്‍, എന്‍.ഡി. അപ്പച്ചന്‍, കെ. മോഹന്‍കുമാര്‍, എ.പി. അനില്‍കുമാര്‍ എന്നിവരാണ് കരുണാകരനെ കണ്ടത്.

വരും ദിവസങ്ങളില്‍ ജി. കാര്‍ത്തികേയന്‍, കെ.സി. വേണുഗോപാല്‍ എന്നിവരുമായും കരുണാകരന്‍ ചര്‍ച്ച നടത്തും.