പി. ബാലന് അന്തരിച്ചു
പാലക്കാട്: കോണ്ഗ്രസ് നേതാവും എംഎല്എയുമായ പി. ബാലന് (74) അന്തരിച്ചു.
കോയമ്പത്തൂര് കെ. ജി. ആശുപത്രിയില് ചികിത്സയിലായിരുന്ന പി. ബാലന്റെ അന്ത്യം ജൂണ് എട്ട് ചൊവാഴ്ച വൈകീട്ട് 5.45ന് ആയിരുന്നു. ശ്വാസകോശസംബന്ധമായ അസുഖത്തെ തുടര്ന്ന് ഒരു മാസമായി ഇവിടെ ചികിത്സയിലായിരുന്നു അദ്ദേഹം.
ബുധനാഴ്ച മൂന്ന് മണിക്ക് ചന്ദ്രനഗര് വൈദ്യുതി ശ്മശാനത്തില് സര്ക്കാര് ബഹുമതികളോടെ ശവസംസ്കാരം നടക്കും.
1929 സപ്തംബര് 15ന് ജനിച്ച പി. ബാലന് ദാരിദ്യ്രത്തിലാണ് തന്റെ ബാല്യകാലം പിന്നിട്ടത്. പല തൊഴിലുകളും ചെയ്ത ബാലന് ദേശീയ കര്ഷക തൊഴിലാളി ഫെഡറേഷന് സംസ്ഥാന പ്രസിഡന്റ് എന്ന നിലയില് തൊഴിലാളി സമരങ്ങളുടെ മുന്നണിപ്പോരാളിയായി. 1977ല് ഒറ്റപ്പാലത്തു നിന്നാണ് ആദ്യമായി എംഎല്എ ആയത്. 87ലും 91ലും ശ്രീകൃഷ്ണപുരം എംഎല്എ ആയിരുന്നു.
1978ല് കെപിസിസി ജനറല് സെക്രട്ടറിയായി. കെപിസിസി വൈസ് പ്രസിഡന്റ് സ്ഥാനം വഹിച്ചിട്ടുള്ള ബാലന് എഐസിസി അംഗവുമായിരുന്നു.