• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

സി-ഡിറ്റ് വിവര ശേഖരം ഉണ്ടാക്കുന്നു

  • By Staff

തിരുവനന്തപുരം: വികസന വികേന്ദ്രീകരണം കൂടുതല്‍ കാര്യക്ഷമമാക്കുന്നതിനായി വിവിധ വിവരങ്ങള്‍ ഉള്‍ക്കൊള്ളിച്ചുകൊണ്ട് സി-ഡിറ്റ് ഡിജിറ്റല്‍ വിവര ശേഖരം (ആര്‍ക്കൈവ്) ഉണ്ടാക്കുന്നു.

സുതാര്യ കേരളം എന്നാണ് പദ്ധതിയുടെ പേര്. സംസ്ഥാന ആസൂത്രണ ബോര്‍ഡിന്റെ ഏകോപനത്തോടെ സി-ഡിറ്റാണ് പദ്ധതി നടപ്പിലാക്കുന്ന്. യുഎന്‍ വികസന പരിപാടിയുടെ സഹായം ഇതിനായി തേടും.

വികസനത്തിന് സഹായിക്കുന്നതിനായി ഒരു പ്രദേശത്തെ കുറിച്ചുള്ള വിവിധ വിവരങ്ങള്‍ ഡിജിറ്റല്‍ വിവര ശേഖരത്തില്‍ ഉള്‍ക്കൊള്ളിച്ചിരിക്കും. ഇതിനായി പഞ്ചായത്ത് വികസന റിപ്പോര്‍ട്ടുകളും വാര്‍ഷിക പദ്ധതികളും ഏകോപിപ്പിച്ച് ഡിജിറ്റല്‍ ആര്‍ക്കൈവ് രൂപത്തിലാക്കും. വികസന പ്രക്രിയയില്‍ ജനങ്ങളുടെ പങ്കാളിത്തം കൂടുതല്‍ കാര്യക്ഷമമാക്കുന്നതിന് കമ്യൂണിറ്റി റേഡിയോ, ടെലിവിഷന്‍, ഇന്റര്‍നെറ്റ് തുടങ്ങിയ മാധ്യമങ്ങളിലൂടെ ജനങ്ങളുടെ വിനിമയം കാര്യക്ഷമമാക്കും.

ഡിജിറ്റല്‍ വിവര ശേഖരത്തിന് രണ്ട് വിഭാഗങ്ങളുണ്ട്- വികസന വിവര ശേഖരം, പൈതൃക വിവര ശേഖരം. വികസന വിവരശേഖരത്തില്‍ സര്‍ക്കാരിന്റെയും തദ്ദേശസ്വയംഭരണ സ്ഥാപനങ്ങളുടെയും ഗവേഷണ-വികസന സ്ഥാപനങ്ങളുടെയും സംസ്ഥാനത്തെ വികസന മേഖലയിലെ ഏജന്‍സികളുടെയും സംഘടനകളുടെയും പ്രവര്‍ത്തനം സംബന്ധിച്ച എല്ലാ വിവരവും ഉള്‍പ്പെടുത്തും.

കലാരൂപങ്ങള്‍, സാഹിത്യം, സാംസ്കാരിക പാരമ്പര്യം എന്നിവയുടെ ദൃശ്യ-ശ്രാവ്യ ശേഖരമായിരിക്കും പൈതൃക വിവര ശേഖരം. നാടന്‍കഥകള്‍, നാടന്‍ഭാഷ, മിത്തുകള്‍ തുടങ്ങിയവയും പൈതൃക വിവര ശേഖരത്തില്‍ ഉള്‍പ്പെടുത്തും.

വിവിധ സ്ഥാപനങ്ങളുമായി സഹകരിച്ചായിരിക്കും സി-ഡിറ്റ് ഈ പദ്ധതി നടപ്പിലാക്കുന്നത്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more