മുരളി മന്ത്രിയാവുന്നതിനെതിര് : കരുണാകരന്‍

തിരുവനന്തപുരം: മുരളീധരന്‍ വൈദ്യുതി മന്ത്രിയാവുന്നതിന് താന്‍ എതിരായിരുന്നുവെന്ന് മുതിര്‍ന്ന കോണ്‍ഗ്രസ് നേതാവ് കെ. കരുണാകരന്‍.

ജൂണ്‍ 24 വ്യാഴാഴ്ച വാര്‍ത്താസമ്മേളനത്തിലാണ് കരുണാകരന്‍ ഈ വെളിപ്പെടുത്തല്‍ നടത്തിയത്. ഐ ഗ്രൂപ്പിന്റെ നേതാവ് താന്‍ തന്നെയാണെന്നും കരുണാകരന്‍ പറഞ്ഞു.

ഇനി ഗ്രൂപ്പിന്റെ തീരുമാനങ്ങള്‍ താന്‍ തന്നെയായിരിക്കും കൈക്കൊള്ളുക എന്ന പരോക്ഷ സൂചന നല്കുകയായിരുന്നു കരുണാകരന്‍. പലപ്പോഴും മുരളിയെടുത്ത തീരുമാനങ്ങള്‍ക്കനുസരിച്ച് ഐ ഗ്രൂപ്പ് നേരത്തെ പ്രവര്‍ത്തിയ്ക്കേണ്ടിവന്നതാണ് ഗ്രൂപ്പിന്റെ ഇന്നത്തെ ശോചനീയാവസ്ഥയ്ക്ക് കാരണമെന്ന് നേരത്തെയും കരുണാകരന്‍ സൂചന നല്കിയിട്ടുണ്ട്.