ഐ ഗ്രൂപ്പ് എംഎല്‍എമാരുടെ യോഗം വ്യാഴാഴ്ച

തിരുവനന്തപുരം: കോണ്‍ഗ്രസ് ഔദ്യോഗിക നേതൃത്വത്തിനെതിരെ സമാന്തരപ്രവര്‍ത്തനം നടത്താന്‍ തീരുമാനിച്ച സാഹചര്യത്തില്‍ നിയമസഭയില്‍ സ്വീകരിക്കേണ്ട നിലപാടുകളെ കുറിച്ച് ചര്‍ച്ച ചെയ്യുന്നതിന് ജൂലൈ ഒന്ന് വ്യാഴാഴ്ച വൈകീട്ട് ഐ ഗ്രൂപ്പ് എംഎല്‍എമാരുടെ യോഗം നടക്കും.

വ്യാഴാഴ്ച വൈകീട്ട് അഞ്ച് മണിക്ക്് കോണ്‍ഗ്രസ് പാര്‍ലമെന്ററി പാര്‍ട്ടി യോഗം നടക്കുന്നുണ്ട്. ഇതിന് ശേഷമായിരിക്കും ഐ ഗ്രൂപ്പ് എംഎല്‍എമാരുടെ യോഗം.

നിയമസഭയിലെ ധനാഭ്യര്‍ഥന ചര്‍ച്ചയില്‍ നിന്ന് വിട്ടുനില്‍ക്കാനായിരിക്കും ഐ ഗ്രൂപ്പ് എംഎല്‍എമാരുടെ തീരുമാനം. നിയമസഭയില്‍ സര്‍ക്കാരിനെ വിമര്‍ശിച്ച് ഹൈക്കമാന്റിന്റെ അതൃപ്തി പിടിച്ചുപറ്റാതിരിക്കാന്‍ ചര്‍ച്ചയില്‍ നിന്ന് വിട്ടുനില്‍ക്കുന്നതാണ് നല്ലതെന്നാണ് ഭൂരിപക്ഷം ഐ ഗ്രൂപ്പ് എംഎല്‍എമാരുടെയും അഭിപ്രായം എന്ന് അറിയുന്നു.