പുതിയ ടിവിഎസ് ബൈക്ക് ഇറങ്ങി
കൊച്ചി: കേരളത്തില് ടിവിഎസ് മോട്ടോര് കമ്പനിയുടെ പുതിയ ബൈക്ക് ഇറങ്ങി. ടിവിഎസ് വിക്ടര് ജിഎല്എക്സ് 125 എന്ന ബൈക്കാണ് പുതുതായി വിപണിയില് എത്തിയിരിക്കുന്നത്.
കേരളത്തിലെ എക്സിക്യൂട്ടീവ് വിഭാഗത്തില്പ്പെട്ടവരെ ലക്ഷ്യമിട്ട് ഇറങ്ങിയ ഈ ബൈക്ക് 125 സിസി ഇനത്തില്പെട്ടതാണ്. സ്റൈലിന്റെ കാര്യത്തിലും പ്രവര്ത്തനക്ഷമതയുടെ കാര്യത്തിലും ഒരുപോലെ മുന്നില് നില്ക്കുന്നതാണ് ഈ ബൈക്കെന്ന് ടിവിഎസ് അവകാശപ്പെടുന്നു.
വേരിയബിള് ടൈമിംഗ് ഇന്റലിജന്റ് എഞ്ചിന്സ്(വിടി-ഐ) എന്ന സാങ്കേതികവിദ്യ ഈ ബൈക്കില് ഉപയോഗിക്കുന്നുണ്ടെന്നും ടിവിഎസ് പറയുന്നു. രണ്ട് തരത്തില്പെട്ട ബൈക്കുകള് ആണ് ഈ വിഭാഗത്തില് ഉള്ളത്. ഡ്രംബ്രേക്ക് വിഭാഗത്തില്പ്പെട്ടവയ്ക്ക് 43,691 രൂപയും ഡിസ്ക് ബ്രേക്ക് വിഭാഗത്തില്പ്പെട്ടതിന് 46,691 രൂപയും ആകും.
യെല്ലോ ബ്ലാക്, ബ്ലാക്ക് സില്വര്, ഗ്രീന് സില്വര്, ബ്ലൂസില്വര് എന്നീ നാല് നിറങ്ങളില് ബൈക്ക് ലഭ്യമാണ്.