ഗോധ്രകലാപം അന്വേഷിയ്ക്കാന്‍ ലാലു ഉത്തരവിട്ടു

ദില്ലി: ഗുജറാത്തിലെ ഗോധ്ര കൂട്ടക്കൊലയെക്കുറിച്ച് ഉന്നതതല അന്വേഷണം നടത്താന്‍ റെയില്‍വേ മന്ത്രി ലാലു പ്രസാദ് യാദവ് ഉത്തരവിട്ടു.

ജൂലായ് 14 ബുധനാഴ്ചയാണ് ലാലു പ്രസാദ് യാദവ് ഈ ഉത്തരവിട്ടത്. ട്രെയിനിനുള്ളില്‍ വച്ച് നടന്ന കൂട്ടക്കൊലയായതിനാലാണ് റെയില്‍വേയുടെ നേതൃത്വത്തില്‍ ഉന്നതതല അന്വേഷണം നടത്തുന്നതെന്നും ലാലു പ്രസാദ് യാദവ് വിവരിച്ചു.

ലോക്സഭയില്‍ റെയില്‍വേ ബജറ്റിന്മേലുള്ള ചര്‍ച്ച ഉപസംഹരിച്ചുകൊണ്ട് സംസാരിക്കവേയാണ് ലാലു ഇക്കാര്യം അറിയിച്ചത്. അന്വേഷണസംഘത്തിന് അന്വേഷണം പൂര്‍ത്തിയാക്കാന്‍ മൂന്ന് മാസത്തെ സമയം അനുവദിച്ചിട്ടുണ്ട്.