സോണിയ കുംഭകോണത്തേയ്ക്ക്

കുംഭകോണം: കോണ്‍ഗ്രസ് പ്രസിഡന്റ് സോണിയാഗാന്ധി തമിഴ്നാട്ടില്‍ 90 കുട്ടികള്‍ വെന്തുമരിച്ച അപകടസ്ഥലം ജൂലായ് 18 ഞായറാഴ്ച സന്ദര്‍ശിയ്ക്കും.

ഈ സ്കൂളിലെ 24 അധ്യാപകരും ഒളിവിലാണ്. തീ പിടിത്തമുണ്ടായതോടെ ഈ അധ്യാപകരെല്ലാം ഓടിരക്ഷപ്പെടുകയായിരുന്നു.

ഇതിനകം പ്രധാനരാഷ്ട്രീയനേതാക്കളെല്ലാം ഇവിടെയെത്തി. മുഖ്യമന്ത്രി ജയലളിത, ഡിഎംകെ നേതാവ് കരുണാനിധി, കേന്ദ്രമന്ത്രി ദയാനിധി മാരന്‍, രാഹുല്‍ഗാന്ധി എംപി എന്നിവര്‍ ദുരന്തത്തിനിരയായവരുടെ ബന്ധുക്കളെ സന്ദര്‍ശിച്ചു.

അപകടത്തിന് ശേഷം തമിഴ്നാട് സര്‍ക്കാര്‍ ഓലമേഞ്ഞ സ്കൂളുകള്‍ക്കെതിരെ കര്‍ശന നടപടിയെടുത്തുവരികയാണ്.