കാര്യങ്ങൾ അതിവേഗം അറിയാൻ
For Daily Alerts
ഉമ്മന്ചാണ്ടി ആന്റണിയേക്കാള് അപകടകാരി: ഐ ഗ്രൂപ്പ്
കൊച്ചി: മുഖ്യമന്ത്രി ഉമ്മന്ചാണ്ടി മുന്മുഖ്യമന്ത്രി എ. കെ. ആന്റണിയേക്കാള് അപകടകാരിയാണെന്ന് ഐ ഗ്രൂപ്പ് യോഗം വിലയിരുത്തി. കൊച്ചിയില് കെ. മുരളീധരന്റെ നേതൃത്വത്തിലാണ് യോഗം നടന്നത്.
ഐ ഗ്രൂപ്പിനുണ്ടായിരിക്കുന്ന തിരിച്ചടി താത്കാലികം മാത്രമാണെന്ന് യോഗം വിലയിരുത്തി. ഒരു തിരിച്ചുവരവ് ഇനിയുള്ള ദിവസങ്ങളില് സാധ്യമാക്കാം. കെപിസിസി പ്രസിഡന്റ് സ്ഥാനത്തേക്ക് വയലാര് രവിയോട് മത്സരിച്ചു തോറ്റ ആന്റണിക്ക് രാഷ്ട്രീയത്തില് തിരിച്ചുവരവ് നടത്താമെങ്കില് ഐ ഗ്രൂപ്പിനും തിരിച്ചുവരവ് സാധ്യമാണ്.
ഗ്രൂപ്പില് രണ്ട് അധികാരകേന്ദ്രങ്ങള് ഉണ്ടാവുന്നത് പ്രശ്നങ്ങള്ക്കിടയാക്കുമെന്ന് യോഗത്തില് ചിലര് ചൂണ്ടിക്കാട്ടി. അത്തരം ആശങ്കകള് അടിസ്ഥാനരഹിതമാണെന്നായിരുന്നു മുരളിയുടെ മറുപടി.
ഐ ഗ്രൂപ്പ് നേതൃത്വം താന് ഏറ്റെടുക്കുമെന്ന സൂചനയാണ് യോഗത്തില് പ്രസംഗിച്ച മുരളി നല്കിയത്.
Story first published: Thursday, September 16, 2004, 5:30 [IST]