സ്വകാര്യ ബസ് സമരം ഉപേക്ഷിച്ചു

തൃശൂര്‍: ബസ് ഓപ്പറേറ്റേഴ്സ് ഫെഡറേഷന്‍ നടത്താന്‍ തീരുമാനിച്ചിരുന്ന സ്വകാര്യ ബസ് പണിമുടക്ക് ഉപേക്ഷിച്ചു.

സര്‍ക്കാരുമായി നടന്ന ചര്‍ച്ചയില്‍ യാത്രാ നിരക്ക് കൂട്ടാന്‍ തീരുമാനിച്ചതിനാലാണ് പണിമുടക്ക് വേണ്ടെന്ന് വച്ചത്.

തൃശൂരില്‍ ചേര്‍ന്ന ഫെഡറേഷന്റെ അടിയന്തര യോഗമാണ് ഈ തീരുമാനം എടുത്തത്. ഈ നിരക്ക് വര്‍ദ്ധനയില്‍ പൂര്‍ണമായും തൃപ്തിയില്ല. പക്ഷേ തുടര്‍ന്നും സര്‍ക്കാരുമായി ചര്‍ച്ച നടത്തി പ്രശ്നം പരിഹരിയ്ക്കാനാവമെന്ന പ്രതീക്ഷയിലാണ് പണിമുടക്ക് ഉപേക്ഷിയ്ക്കുന്നത്.

കുറഞ്ഞ നിരക്ക് രണ്ടര രൂപ ആക്കാനും കിലോമീറ്ററിന് ഏഴ് പൈസ കൂലി കൂട്ടാനുമാണ് സര്‍ക്കാരുമായി നടന്ന ചര്‍ച്ചയില്‍ തീരുമാനമായത്.