യുഎസില് പരിശോധന കര്ശനമാക്കും
വാഷിംഗ്ടണ്: അടുത്ത ആഴ്ച മുതല് യുഎസ് വിമാനത്താവളങ്ങളില് പരിശോധന കര്ശനമാക്കാര് പുതിയ സംവിധാനം വരും.
ട്രാന്സ്പോര്ട്ടേഷന് സെക്യൂരിറ്റി അഡ്മിനിസ്ട്രേഷന്(ടിഎസ്എ) അറിയിച്ചതാണ് ഇക്കാര്യം. ഈ പരിശോധനാസംവിധാനം പ്രധാനമായും യാത്രക്കാരിലെ സ്ഫോടകവസ്തുക്കള് കണ്ടെടുക്കാന് ഉദ്ദേശിച്ചുള്ളതാണ്. യാത്രക്കാരെ പരിശോധിയ്ക്കുമ്പോള് ഇനി സ്ഫോടകവസ്തുക്കള് കണ്ടെത്തുന്നതിനുള്ള പരിശോധനകള് കൂടുതലാക്കും. കൈകള് ഉപയോഗിച്ചുള്ള ദേഹപരിശോധനയും കര്ശനമാക്കും.
9-11 കമ്മീഷന് റിപ്പോര്ട്ടിന്റെ അടിസ്ഥാനത്തിലാണ് പുതിയ സംവിധാനം ഏര്പ്പെടുത്തുന്നത്. നേരത്തേതുപോലെ യാത്രക്കാര് മെറ്റല് ഡിറ്റക്ടറുകളിലൂടെ കടന്നുപോകണം. അവരുടെ ബാഗേജുകള് എക്സ്-റേ പരിശോധനകള്ക്ക് വിധേയമാക്കുകയും ചെയ്യും. ഇതിന് പുറമെയാണ് സ്ഫോടകവസ്തുക്കള് കണ്ടെത്തുന്നതിനുള്ള രണ്ടാം പരിശോധന. ഇനിമുതല് യാത്രക്കാരുടെ കോട്ടുകളും ജാക്കറ്റുകളും കൂടി എക്സ് റേ പരിശോധനകള്ക്ക് വിധേയമാക്കും. സംശയം തോന്നിയാല് യാത്രക്കാരനെ പരിശോധകര് കൈകള് ഉപോയഗിച്ച് വിശദമായ ദേഹ പരിശോധനകള്ക്ക് വിധേയമാക്കും.
Click it and Unblock the Notifications
Sign in with Google