പ്രകൃതി കേസ്: നീലന് ഒരു വര്ഷത്തെ തടവുശിക്ഷ
കോഴിക്കോട്: പ്രകൃതി ശ്രീവാസ്തവ കേസില് മുന്മന്ത്രി നീലലോഹിതദാസന് നാടാരെ കോടതി ഒരു വര്ഷത്തെ കഠിനതടവിന് ശിക്ഷിച്ചു.
കോഴിക്കോട് ഒന്നാം ക്ലാസ് മജിസ്ട്രേറ്റ് കോടതിയാണ് സപ്തംബര് 23 വ്യാഴാഴ്ച ഉത്തരവ് പുറപ്പെടുവിച്ചത്. കോഴിക്കോട് ഡിഎഫ്ഒ ആയിരുന്ന പ്രകൃതി ശ്രീവാസ്തവയെ പീഡിപ്പിച്ചുവെന്ന കേസില് നീലന് കുറ്റക്കാരനാണെന്ന് കോടതിക്ക് ബോധ്യമായതിനെ തുടര്ന്നാണ് ശിക്ഷ വിധിച്ചത്.കേസില് അപ്പീല് നല്കുന്നതിനായി ശിക്ഷ നടപ്പിലാക്കുന്നത് ഒരു മാസത്തേക്ക് നിര്ത്തിവച്ചിട്ടുണ്ട്. വിധിയെ കുറിച്ച് മാധ്യമപ്രവര്ത്തകരോട് പ്രതികരിക്കാന് നീലന് തയ്യാറായില്ല.
നളിനി നെറ്റോ സംഭവം വിവാദമായതിനെ തുടര്ന്നാണ് പ്രകൃതി ശ്രീവാസ്തവ തന്നെ നീലന് പീഡിപ്പിച്ചിരുന്നുവെന്നാരോപിച്ച് തിരുവനന്തപുരം നടക്കാവ് പൊലീസ് സ്റേഷനില് പരാതി നല്കിയത്. തുടര്ന്ന് കേസ് ക്രൈംബ്രാഞ്ചിന് കൈമാറി. നീലന് കുറ്റക്കാരനാണെന്ന് ക്രൈംബ്രാഞ്ച് നടത്തിയ അന്വേഷണത്തില് വ്യക്തമായി.
കേസില് തനിയ്ക്ക് നീതി ലഭിച്ചതായി പ്രകൃതി ശ്രീവാസ്തവ പ്രതികരിച്ചു.