കന്യാസ്ത്രീകളെ ആക്രമിച്ചവരെ പിടികൂടി

കോഴിക്കോട്: ഒളവണ്ണയില്‍ മിഷണറീസ് ഒഫ് ചാരിറ്റി സന്യാസ സമൂഹത്തില്‍ പെട്ട കന്യാസ്ത്രീകളെ ആക്രമിച്ച കേസിലെ പതിനഞ്ചോളം പ്രതികളെ പൊലീസ് പിടികൂടിയതായി അറിയുന്നു.

പിടിയിലായവര്‍ ബിജെപി-ആര്‍എസ്എസ് പ്രവര്‍ത്തകരാണ്. ഇവരെ രഹസ്യകേന്ദ്രങ്ങളില്‍ പൊലീസ് ചോദ്യം ചെയ്തുവരികയാണ്. ഇവരുടെ പേരുവിവരങ്ങള്‍ പൊലീസ് പുറത്തുവിട്ടിട്ടില്ല.

ഇനി ഏതാനും പേരെ കൂടി പിടികിട്ടാനുണ്ട്. പിടിയിലായവരുടെ പേരുകള്‍ പുറത്തുവിട്ടാല്‍ ഇനി പിടികൂടാനുള്ളവര്‍ രക്ഷപ്പെട്ടേക്കുമെന്നതിനാലാണ് പൊലീസ് അറസ്റ് രഹസ്യമാക്കിവച്ചിരിക്കുന്നത്. മറ്റ് പ്രതികള്‍ക്കായുള്ള തിരച്ചില്‍ പൊലീസ് ഊര്‍ജിതപ്പെടുത്തിയിട്ടുണ്ട്.