സൂര്യ നൃത്ത-സംഗീതോത്സവം തുടങ്ങി

തിരുവനന്തപുരം: 10 ദിവസം നീണ്ടുനില്‍ക്കുന്ന സൂര്യയുടെ നൃത്ത-സംഗീതോത്സവത്തിന് കെ. ജെ. യേശുദാസിന്റെ കര്‍ണാടക സംഗീത കച്ചേരിയോടെ തുടക്കമായി.

സപ്തംബര്‍ 21ന് തുടങ്ങിയ സൂര്യമേള-20004 ന്റെ ഭാഗമായാണ് നൃത്ത-സംഗീതോത്സവം നടക്കുന്നത്. സാംസ്കാരികമന്ത്രി എ. പി. അനില്‍കുമാര്‍ ഒക്ടോബര്‍ ഒന്ന് വെള്ളിയാഴ്ച വൈകീട്ട് നൃത്ത-സംഗീതോത്സവം ഉദ്ഘാടനം ചെയ്തു.

ശനിയാഴ്ച നടി ശോഭനയുടെ നൃത്തപരിപാടി നടക്കും. ഒക്ടോബര്‍ 10ന് നൃത്ത-സംഗീതോത്സവം സമാപിക്കും. പത്മ സുബ്രഹ്മണ്യത്തിന്റെ നൃത്തപരിപാടിയോടെയാണ് ഉത്സവത്തിന് തിരശീല വീഴുന്നത്.