സര്ക്കാരിന് താല്പര്യം കോടികളില്: വിരേന്ദ്രകുമാര്
കോഴിക്കോട്: ജനങ്ങളുടെ പ്രശ്നം പരിഹരിയ്ക്കാനല്ല, കോടികള് ഉള്പ്പെട്ട മറ്റ് പദ്ധതികളാണ് സര്ക്കാരിന്റെ പ്രധാന പ്രശ്നമെന്ന് ജനതാദള് നേതാവ് എം.പി. വീരേന്ദ്രകുമാര് ആരോപിച്ചു.
ഒക്ടോബര് 17 ഞായറാഴ്ച മീറ്റ് ദ പ്രസില് സംസാരിക്കുകയായിരുന്നു അദ്ദേഹം. കോടികള് ഉള്പ്പെട്ട കരിമണല്ഖനനവും എക്സ്പ്രസ് ഹൈവേയും പോലുള്ള പദ്ധതികളില് മാത്രമാണ് ഈ സര്ക്കാരിന്റെ താല്പര്യം. - അദ്ദേഹം കുറ്റപ്പെടുത്തി.
കാവേരി ട്രിബ്യൂണലില് നിന്ന് ഈയിടെ കേരളത്തിന്റെ പ്രതിനിധി രാജിവച്ചു. എം.എസ്. വല്യത്താനും ഈയിടെ രാജിവച്ചു. കേരളസര്ക്കാരിന് ഇത്തരം പ്രശ്നങ്ങളില് താല്പര്യമില്ലാത്തതിന്റെ സൂചനയാണ് ഇവരുടെ രാജികള്. കരിമണല് ഖനനവും മറ്റുമാണ് സര്ക്കാരിന്റെ താല്പര്യം. - വീരേന്ദ്രകുമാര് പറഞ്ഞു.
കിളിരൂര് പെണ്വാണിഭക്കേസില് പെണ്കുട്ടിയുടെ മൊഴിയുടെ അടിസ്ഥാനത്തില് കേസെടുക്കണമെന്നും അദ്ദേഹം ആവശ്യപ്പെട്ടു.
Click it and Unblock the Notifications
Sign in with Google