അല്ക്വെയ്ദയുമായി സര്ഖാവിയ്ക്ക് ബന്ധം
ബാഗ്ദാദ്: യുഎസ് സേനയ്ക്കെതിരെ ഇറാഖില് പോരാടുന്ന അല്-സര്ഖാവിയ്ക്ക് അല്ക്വെയ്ദയുമായി ബന്ധമുണ്ടെന്ന് റിപ്പോര്ട്ട്. ഒരു ഇസ്ലാമിക വെബ്സൈറ്റില് അല് സര്ഖാവിയുടെ സംഘടന നല്കിയ ഔദ്യോഗിക പ്രസ്താവനയിലാണ് ഇക്കാര്യം പ്രസ്താവിച്ചിരിക്കുന്നത്.
അല്-സര്ഖാവി, അല് ക്വെയ്ദ നേതാവ് ഒസാമ ബിന് ലാദനുമായി എട്ട് മാസം മുമ്പ് ബന്ധപ്പെട്ടിരുന്നതായും പ്രസ്താവനയില് പറയുന്നു. ഇസ്ലാമിന്റെ ശത്രുക്കള്ക്കെതിരെ ഒറ്റക്കെട്ടായി പോരാടണമെന്ന കാര്യത്തില് അല്-ക്വെയ്ദയുമായി ധാരണയുണ്ടെന്നും പ്രസ്താവന ചൂണ്ടിക്കാട്ടുന്നു.
ഒസാമ ബിന് ലാദനുമായി വീണ്ടും ബന്ധം പുനരാരംഭിയ്ക്കാന് ദൈവം ഞങ്ങളെ അനുഗ്രഹിയ്ക്കും. അല്ക്വെയ്ദയുടെ നേതാക്കള്ക്ക് തൗഹിദിന്റെയും ജിഹാദിന്റെയും(രണ്ടും അല്-സര്ഖാവിയുടെ സംഘടനകള്)തന്ത്രങ്ങളെക്കുറിച്ച് അറിയാം. പുണ്യമാസമായ ഈ റംസാന് കാലത്തില് ശത്രുക്കള്ക്കെതിരെ മുസ്ലിങ്ങള് ഒറ്റക്കെട്ടായി ഉറച്ചുനിന്ന് പോരാടണമെന്നും പ്രസ്താവന വിശദീകരിയ്ക്കുന്നു.
അല്-സര്ഖാവിയുടെ സംഘടനകളായ തൗഹിദിനും ജിഹാദിനും ഒസാമ ബിന് ലാദന്റെ അല്-ക്വെയ്ദയുമായി ബന്ധമുണ്ടെന്ന് യുഎസ് ആരോപിച്ചിരുന്നു.
Click it and Unblock the Notifications
Sign in with Google