ഗോവധം നിരോധിക്കണമെന്ന് ബിജെപി
റാഞ്ചി: വരാനിരിക്കുന്ന നിയമസഭാ തിരഞ്ഞെടുപ്പുകളില് ഹിന്ദുത്വ അജണ്ടയിലൂന്നി പ്രചാരണം നല്കുമെന്ന സൂചന നല്കി കൊണ്ട് രാജ്യത്ത് ഗോവധം നിരോധിക്കണമെന്ന് ബിജെപി ആവശ്യപ്പെട്ടു.
ദേശീയ നിര്വാഹക സമിതി യോഗത്തിന്റെ രണ്ടാം ദിവസമായ നവംബര് 25 വ്യാഴാഴ്ച അംഗീകരിച്ച കാര്ഷി പ്രമേയത്തിലാണ് ബിജെപി ഇക്കാര്യം ആവശ്യപ്പെട്ടത്. മൂന്ന് ദിവസത്തെ യോഗം വെള്ളിയാഴ്ച സമാപിക്കും.
യുപിഎ സര്ക്കാര് കര്ഷക വിരുദ്ധവും ഗ്രാമവിരുദ്ധവുമായ നയങ്ങളാണ് നടപ്പിലാക്കുന്നതെന്ന് പ്രമേയം കുറ്റപ്പെടുത്തി.
ഗോവധ നിരോധനം സംബന്ധിച്ച് മുന് എന്ഡിഎ സര്ക്കാര് ഒരു ബില്ലിന് രൂപം നല്കിയിരുന്നെങ്കിലും കോണ്ഗ്രസും കമ്യൂണിസ്റ് പാര്ട്ടികളും പ്രതിഷേധം ഉയര്ത്തിയതു കാരണം കരട് ബില് അവതരിപ്പിക്കാനായില്ലെന്ന് ബിജെപി ജനറല് സെക്രട്ടറി രാജ്നാഥ്സിംഗ് പറഞ്ഞു.
മുന് മധ്യപ്രദേശ് മുഖ്യമന്ത്രി ഉമാഭാരതിയുടെ പാര്ട്ടിയിലെ പ്രാഥമികാംഗത്വത്തില് നിന്നുള്ള സസ്പെന്ഷനെ കുറിച്ച് റാഞ്ചിയില് നടന്നുവരുന്ന യോഗം ചര്ച്ച ചെയ്തില്ലെന്ന് രാജ്നാഥ്സിംഗ് വ്യക്തമാക്കി. ഇക്കാര്യത്തില് പാര്ട്ടി പ്രസിഡന്റ് എല്. കെ. അദ്വാനിയാണ് തീരുമാനമെടുക്കേണ്ടതെന്ന് അദ്ദേഹം പറഞ്ഞു.
അതേ സമയം യോഗത്തില് സംഘടനാ പ്രശ്നങ്ങള് ചര്ച്ചയ്ക്കെടുക്കുമ്പോള് ഉമാഭാരതിയുടെ സസ്പെന്ഷനും ചര്ച്ചാ വിഷയമാവുമെന്ന് പാര്ട്ടി വൃത്തങ്ങള് സൂചിപ്പിച്ചു.