നീലന് കേസ്: ജനതാദള് നേതാവിനെ വിസ്തരിച്ചു
തിരുവനന്തപുരം: നീലന്-നളിനി നെറ്റോ കേസില് ജനതാദള് (എസ്) ആലപ്പുഴ ജില്ലാകമ്മിറ്റി അംഗം ഇക്ബാല്ഖാനെ ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതി മുമ്പാകെ വിസ്തരിച്ചു.
നളിനി നെറ്റോയെ നീലന് പീഡിപ്പിച്ചുവെന്ന് പറയപ്പെടുന്ന 1999 ഡിസംബര് 21ന് ഉച്ചക്ക് ഒരു മണിക്ക് താന് നീലന്റെ ഓഫീസില് പോയിരുന്നുവെന്നും 2.30 വരെ താന് അവിടെ ഉണ്ടായിരുന്നുവെന്നും നളിനി നെറ്റോ ആരോപിക്കുന്നതു പോലെ ഒന്നും അവിടെ സംഭവിച്ചിട്ടില്ലെന്നും ഇക്ബാല് ഖാന് കോടതി മുമ്പാകെ പറഞ്ഞു.
കേസില് പ്രതിഭാഗം സാക്ഷിയായാണ് ഇക്ബാല് ഖാന് കോടതിക്ക് മുന്നില് ഹാജരായത്. നളിനി നെറ്റോ 1.30ന് ഓഫീസിലെത്തിയെന്നും രണ്ട് മണിക്ക് തിരികെ പോയെന്നും ഇക്ബാല് ഖാന് പറഞ്ഞു. പോവുന്നതിനിടയില് ജലസേചനമന്ത്രിയായ വി. പി. രാമകൃഷ്ണ പിള്ള തന്റെ മുറിയില് നിന്ന് പുറത്തേക്ക് വരുന്നതു കണ്ട് നെറ്റോ അദ്ദേഹത്തിന് പോവുന്നതിനായി അല്പനേരം കാത്തുനിന്നുവെന്നും ഇക്ബാല് ഖാന് വെളിപ്പെടുത്തി.
അതേ സമയം ക്രോസ് വിസ്താരത്തില് താന് ഓഫീസിലുണ്ടായിരുന്ന സ്ഥലത്തു വച്ച് എങ്ങനെ നെറ്റോ പോവുന്നതു കണ്ടുവെന്ന് വിശദീകരിക്കാന് ഖാന് കഴിഞ്ഞില്ല. നേരത്തെ കേസിനെ കുറിച്ച് അന്വേഷിച്ച ശശിധരന് കമ്മിഷന് മുന്നില് താന് സ്വമേധയാ ആണ് പ്രതിഭാഗം സാക്ഷിയായതെന്ന് ഖാന് പറഞ്ഞു.
നീലന്റെ
പ്രൈവറ്റ്
സെക്രട്ടറിയായിരുന്ന
കെ.
പി.
കൃഷ്ണനെ
നവംബര്
23നും
പേഴ്സണല്
അസിസ്റന്റായിരുന്ന
രാജേന്ദ്രനെ
നവംബര്
18നും
വിസ്തരിച്ചിരുന്നു.