കേസുകള്‍ പിന്‍വലിക്കില്ല: ജയലളിത

ചെന്നൈ: കാഞ്ചി ശങ്കരാചാര്യര്‍ ജയേന്ദ്ര സരസ്വതിക്കെതിരായ കേസുകള്‍ പിന്‍വലിക്കില്ലെന്ന് തമിഴ്നാട് മുഖ്യമന്ത്രി ജയലളിത പറഞ്ഞു.

മതനേതാക്കള്‍ നിയമത്തിന് അതീതരാണെന്നും അവര്‍ക്കെതിരെ യാതൊരു അന്വേഷണവും പാടില്ലെന്നുമുള്ള ബിജെപിയുടെ നിലപാട് തെറ്റാണോ ശരിയാണോ എന്ന് വിലയിരുത്തേണ്ടത് ജനങ്ങളാണ്. പാര്‍ട്ടിയെ വീണ്ടും ശക്തിപ്പെടുത്താന്‍ ഈ പ്രശ്നം ഉപയോഗിക്കാനാണ് ബിജെപി ശ്രമിക്കുന്നത്.

ശങ്കരമഠാധിപതി ഒരു കൊലക്കേസില്‍ പ്രതിയാവുമെന്ന് ആരും ചിന്തിക്കുകയോ ആഗ്രഹിക്കുകയോ ചെയ്യുന്നതല്ല. എന്നാല്‍ കേസിലെ തെളിവുകളെ ആര്‍ക്കും അവഗണിക്കാനാവില്ല- ജയ ചൂണ്ടിക്കാട്ടി.