കാഞ്ചി: ചാര്‍ജ്ജ് ഷീറ്റ് ഫയല്‍ ചെയ്തു

കാഞ്ചീപുരം: ശങ്കരരാമന്‍ വധകേസില്‍ പൊലീസ് ചാര്‍ജ്ജ് ഷീറ്റ് ഫയല്‍ ചെയ്തു. ജനുവരി 21 വെള്ളിയാഴ്ച ഉച്ചയ്ക്കാണ് കാഞ്ചീപുരം കോടതിയില്‍ പൊലീസ് ചാര്‍ജ്ജ് ഷീറ്റ് ഫയല്‍ ചെയ്തത്.

1873 പേജുള്ള ചാര്‍ജ്ജ് ഷീറ്റാണ് ഫയല്‍ ചെയ്തത്. 25 പേരെ ഇതുവരെ ഈ കേസില്‍ അറസ്റ് ചെയ്തിട്ടുണ്ട്. ഒന്നാം പ്രതി ജയേന്ദ്ര സരസ്വതിയും രണ്ടാം പ്രതി വിജയേന്ദ്ര സരസ്വതിയുമാണ്. പ്രതികള്‍ക്കെതിരെ പ്രത്യേകം പ്രത്യേകം ചാര്‍ജ്ജ് ഷീറ്റുകളാണ് ഫയല്‍ ചെയ്തത്.

ബക്രീദ് കാരണം കോടതി അവധി ആയിരുന്നെങ്കിലും ജഡ്ജി തന്റെ മുറിയ്ക്കുള്ളില്‍ വച്ചാണ് ചാര്‍ജ്ജ് ഷീറ്റ് സ്വീകരിച്ചത്.