യാഥാര്‍ഥ്യബോധമില്ലാത്ത ബജറ്റ്: ബാലകൃഷ്ണപിള്ള

തിരുവനന്തപുരം: കണക്കുകള്‍ സംബന്ധിച്ച് യാഥാര്‍ഥ്യബോധമില്ലാത്ത ബജറ്റാണ് ധനമന്ത്രി വക്കം പുരുഷോത്തമന്‍ നിയമസഭയില്‍ അവതരിപ്പിച്ചതെന്ന് കേരള കോണ്‍ഗ്രസ് (ബി) ചെയര്‍മാന്‍ ആര്‍. ബാലകൃഷ്ണപിള്ള പറഞ്ഞു.

സാധാരണക്കാരായ ജനങ്ങള്‍ക്ക് വേണ്ടിയുള്ളതൊന്നും ഈ ബജറ്റിലില്ല. പദ്ധതികള്‍ക്ക് വേണ്ടിയുള്ള പദ്ധതികളാണ് ബജറ്റില്‍ പ്രഖ്യാപിച്ചിരിക്കുന്നത്.

അടുത്ത സാമ്പത്തിക വര്‍ഷത്തെ വിവിധ മേഖലകളിലെ ചെലവുകള്‍ സംബന്ധിച്ച് ബജറ്റ് മൗനം പാലിക്കുന്നു. ഇത് ബജറ്റിന്റെ പ്രധാന ന്യൂനതയാണ്- പിള്ള ചൂണ്ടിക്കാട്ടി.