ജമ്മു-ശ്രീനഗര്‍ ദേശീയപാത വീണ്ടും തുറന്നു

ജമ്മു: ഹിമപാതത്തെ തുടര്‍ന്ന് അടച്ചിട്ട ജമ്മു-ശ്രീനഗര്‍ ദേശീയപാത ഭാഗികമായി വീണ്ടും തുറന്നു. ദേശീയപാതയില്‍ കുടുങ്ങിപോയ 1100 യാത്രക്കാരെ കശ്മീരിലേക്ക് മാറ്റി.

1400 യാത്രക്കാര്‍ ഈ പ്രദേശത്ത് ഇപ്പോഴും കുടുങ്ങികിടപ്പുണ്ട്. മഞ്ഞുവീഴ്ചയെയും മണ്ണിടിച്ചിലിനെയും തുടര്‍ന്ന് ആറ് ദിവസമായി ദേശീയപാത അടച്ചിട്ടിരിക്കുകയായിരുന്നു. ദേശീയപാതയുടെ ചില ഭാഗങ്ങളില്‍ ഫിബ്രവരി 12 ശനിയാഴ്ച രാവിലെ വീണ്ടും ഹിമപാതമുണ്ടായി.

വീണ്ടും മണ്ണിടിച്ചിലുണ്ടാവാന്‍ സാധ്യതയുള്ളതിനാല്‍ ഈ പ്രദേശത്ത് റെഡ് അലര്‍ട്ട് പ്രഖ്യാപിച്ചിട്ടുണ്ട്.